2 PITRUS 1:8 - Tanou Moonsoi Timugon

⁸ Amon ru ngaangai' ru ginio ruangin ra kaayagan min, maaru' kapandayan min intor ri Jisus Kristus, Tuhan takau, sumingkot am mokoonong.

2 PITRUS 1:8 ပူးပေါင်းရင်းမြစ်များ

AMSAL 19:15

Ulun ra magail mombolong am matiar musiti' no maitilan.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 20:3

Paat ra jam kasiam iosusuab, tatangan ra umo i minongoi poyo ra pasar am kakito no kukula' ngaulun kolondo' kandoi nanturung ra giu' i.

MATIUS 20:6

Mamaar jam kalimo ra iomamai' ongoi io poyo ra pasar i, am pakakito io mokoondo' poyo kukula' ngaulun kolondo' kandoi sabibigor ra giu' i. Pangkuot io risilo, ‘Kua ponsongorou kau sabibigor am kolondo' atan-atan kondoyon?’

MATIUS 25:26

‘Okou ulipon ra malaat am matiar!’ kon ru tuan ni, ‘Nakapandai kou ra aku mangkaang ra ampos ru kandoi ru ulun bokon.

JUANIS 15:2

Moonong pango Kuno ra kalo manangkawa' iruon No, am moonong pango ra manangkawa' intawangin No, maa' raginio makapangkawa' ra maawas poyo.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 5:42

Kaa' koson ramuyun, nakaulig Aku ra kalo motogom kau ri Aki Kapuuno' ralalom ru guang min.

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 13:5

Kinami' min noyo guang mino koson magilong ra mangintopot kau kapoam kalo. Maaru' nakapandai kau ri Jisus Kristus soroi ramuyun, ondo' ak am ru kalo boo mangintopot kau.

2 KORINTUS 8:2

Kininaman ilo toojo ru nansalinut kapaganan, kaa' naansukan ilo toojo. Kabalu' pana musikin ilo toojo, kaa' mataau ilo mangani' ra ulun bokon.

2 KORINTUS 8:7

Mokoondo' noyo ngaangai' ramuyun: maikang pangintapatan, matanda' mindagu, makakapandayan, mataau am motogom kau ramon. Ginio nai boo ra piroto' min poyo pangindanganan moonsoi ti.

2 KORINTUS 9:14

Ginio ra moondom ilo ramuyun, am ra moonong pakiasian nilai mangkara' ilo ra ati kulaan gayo ru kataawan ri Aki Kapuuno' no ramuyun.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

PILIPI 2:5

Tilu kano ra guang am pangkaraan koson mogondo' ri Kristus:

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

1 TISALONIKA 3:12

Gama' ru Tuhan mangindangan ramuyun topot-topot motogom ra rondo' am bokon am niayuk ra ngaangai' ulun, saboi kinotogom min rumuang mogondo' ra kinotogom mai ramuyun.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

1 TIMOTIUS 5:13

Am poyo maindalom ilo boo magayam ayuk gagalapon; mulu' poyo raginio ilo ti mansunur ayuk ra ulun gagalapon, kokosombot ra baalon ru bokon am poyo magindagu ra ondo' kalo sama' iningon.

TITUS 3:14

Ulun takau musiti' migigila' ati kulaan mambaal ra moonsoi. Ginio makapangindangan toojo ra ulun ondo' kolondo' kaukapan am mambaal ra kaayagan nilo pana makaampos.

PILIMON 1:6

Makiasi' aku gama' ru pabukatan takau koson ra ulun mangintopot ri Kristus, manangampos ra makatutun kou ra ngaangai' barakat ondo' noowot takau intor ra nasisimpungan takau ri Jisus Kristus.

IBRANI 6:12

Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

2 PITRUS 1:2

Gama' ru ruangin poyo ri Aki Kapuuno' barakat am pabansayan Nano ramuyun, sabap ra nakaulig kano Riso am niayuk i Jisus, Tuhan takau.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

2 PITRUS 2:20

Ulun ondo' nakaulig noyo ri Jisus Kristus, Tuhan am Mamamayag takau, kalo boo kuasaan ilo ru kalaatan ru tana' ti ondo' mampajamol ra kaayagan ru ulun. Kaa' amon ru sumaguli' ilo ra kalaatan nilai, saboi kalaan ilo ru kuasa' malaat no, pupus no lumaat poyo kaayagan nilo intor ra talimpuun i.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.