2 PITRUS 1:3 - Tanou Moonsoi Timugon

³ Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

2 PITRUS 1:3 ပူးပေါင်းရင်းမြစ်များ

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 12:4

Andu' ra moonsoi masauk ra kaansukan ru ralaki nano, kaa' andu' ra mapakauyu' ra ralaki nano koson ayuk ra maruol kinso ondo' mapasauk ra bungul mopopol.

AMSAL 31:10

Andu' ondo' matanda' mapagon matuum. Mologo io poyo ka intan.

AMSAL 31:29

Kon ru ralaki nano, “Mokoondo' masuang ruandu' moonsoi, kaa' okou noyo moonsoi kaga' intor risilo no.”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

1 KORINTUS 1:9

I Aki Kapuuno' no kalansanin toojo. Io no ondo' nampiau ramuyun koson masimpung ra Anak Nano, i Jisus Kristus, Tuhan takau.

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

KOLOSI 1:16

Sabap ralalom Nano niayuk i Aki Kapuuno' nampasauk ra ngaangai' ondo' giu' ra suruga' am niayuk giti ra tana' ti: ioginio ngaangai' ondo' maalap kakito kapoam kalo; ngaangai' ondo' manguasa' am mamarinta ra ati ayuk giu' ra rasawat kapoam ra tana' ti. Ngaangai' ru tana' am limbowon sinauk ri Aki Kapuuno' ralalom ri Jisus Kristus koson mangurumat Riso.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

2 TISALONIKA 2:14

Sasaban ragitio noyo nampiau Io ramuyun mansail ra Tanou Moonsoi ondo' pinabala' mai ramuyun. Nampiau Io ramuyun koson mokoowot kau ra katulayan ru Tuhan takau, i Jisus Kristus.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

1 PITRUS 1:15

Sotopot no, kaayag kano ra mapasau ralalom ngaangai' baalon mino, koson i Aki Kapuuno' ondo' nampiau ramuyun no mapasau.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 PITRUS 2:21

Nampiau i Aki Kapuuno' ramuyun pantataan ra akau imboloon sabap ra mambaal ra moonsoi. I Kristus galama' inimbolo' ra bala min, am raginio nakapangani' Io ramuyun ra tiluan ondo' moonsoi suguton min.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

2 PITRUS 1:2

Gama' ru ruangin poyo ri Aki Kapuuno' barakat am pabansayan Nano ramuyun, sabap ra nakaulig kano Riso am niayuk i Jisus, Tuhan takau.

2 PITRUS 1:5

Sabap raginio nai pirot kano koson pangintapatan min ri Kristus ruangin ra kaayagan matanda'; am kaayagan matanda' min ruangin ra kaintutunan.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.

2 PITRUS 1:8

Amon ru ngaangai' ru ginio ruangin ra kaayagan min, maaru' kapandayan min intor ri Jisus Kristus, Tuhan takau, sumingkot am mokoonong.

2 PITRUS 2:20

Ulun ondo' nakaulig noyo ri Jisus Kristus, Tuhan am Mamamayag takau, kalo boo kuasaan ilo ru kalaatan ru tana' ti ondo' mampajamol ra kaayagan ru ulun. Kaa' amon ru sumaguli' ilo ra kalaatan nilai, saboi kalaan ilo ru kuasa' malaat no, pupus no lumaat poyo kaayagan nilo intor ra talimpuun i.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

RUT 3:11

Pai' kaimamang, Rut. Suguton ku ngaangai' kitaakon muno. Ngaangai' ulun ru bandar nakapandai ra okou ruandu' ondo' moonsoi paliso.