2 PITRUS 1:21 - Tanou Moonsoi Timugon

²¹ Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

2 PITRUS 1:21 ပူးပေါင်းရင်းမြစ်များ

2 SAMUIL 23:2

Ambiluo ru Tuhan minindagu pinabala' galing raki'; ragu Nano soroi ra bibil kuno.

1 RAJA'-RAJA' 13:1

Paat raginio mokoondo' sangulun nabi intor ra Jiuda. Sinusub io ru Tuhan koson mongoi ra Bitil. Nabi no nakasaboi ra giu' no paat ra Raja' Jirobiam minigor ra saang ru altar koson mampataak ra taak simbalui.

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

1 RAJA'-RAJA' 17:24

Kon ru ruandu' napuor no, “Raino bagu aku makapandai ra okou ti sangulun ulipon ri Aki Kapuuno' am ra Tuhan topot-topot minindagu pinabala' galing rirun.”

2 RAJA'-RAJA' 4:22

Pampiau io ra ralaki nano am indagu, “Susubo' sangulun ulipon magibit ra sanginan kaladai ragiti. Masaga' aku tumuum ra Nabi Ilisa. Muli' aku ra mataki'.”

2 RAJA'-RAJA' 4:7

Kopongo raginio saguli' napuor no ra Nabi Ilisa. I Ilisa pana mindagu boo riso, “Talano' umau jaitun no am bayari' ngaangai' utang muno, am suwo ru ruit no koson pakuan muno am anak-anak muno.”

2 RAJA'-RAJA' 4:9

Kon ru ruandu' no ra ralaki nano, “Mangintopot aku ra ulun ondo' masalok matong ragiti no topot-topot ulipon ri Aki Kapuuno'.

2 RAJA'-RAJA' 6:10

Nampakara' raja' ru Israil ra ulun ondo' minayan ra giu' no maa' raginio pagilalain nilo. Koson raginio noyo ra ingkukula' i Ilisa nampakara' ra raja'.

2 RAJA'-RAJA' 6:15

Suabon ra iosusuab tirong ulipon ri Ilisa, am ingkual intor ra baloi am nakakito ra saujor ru Siria nabaya' ra kuda am kurita' kuda nilo nampaliput ra bandar no. Saguli' io ri Ilisa am golok, “Alii boo ritakau ti, tuan! Atan kinua' musiti' baalon takau?”

1 TUNUNG RU BANSA' ISRAIL 23:14

Anak-anak ungkuyon ri Musa, ulipon ri Aki Kapuuno' no, nakasimpung ra ralalom ru bansa' ru Liwi.)

2 TUNUNG RU BANSA' ISRAIL 8:14

Sumugut ra kaulayan ondo' inaru' ru Raja' Daut, ama' nali, Raja' Salomo nangaru' ra kandoi moonong orou tayar ru imam-imam am ulun-ulun ru Liwi ondo' mangindangan ra imam marimbai ra rimbai-rimbai mazmur, am niayuk mangindangan ralalom kandoi ru imam. Raja' Salomo niayuk nampatampos ra pulalai ru ulun magalung ra Baloi ru Tuhan ra kandoi moonong orou nilo giu' ra moonong kulobon garabang, sumugut ra susuban ru Raja' Daut, ulipon ri Aki Kapuuno' no.

JIRIMIA 23:26

Saboi sanggilan kia nabi-nabi mampalayau ra ulun Kuno ra abau ondo' binaal-baal nilo galama'?

YEHEZKIEL 1:3

Giu' ra pagun Babilonia, giu' ra kiing ru Sungoi Kibar, nokorongog aku ra Tuhan minindagu raki', am nakaliman aku ra kuasa' Nano.

MIKA 1:1

Paat ra pamarintaan ri Raja' Jotam, Raja' Agas am Raja' Gijkia koson ra raja' ru Jiuda, nangani' Tuhan ra tanou ragitio ri Mika, ondo' intor no bandar Morisyit. Nanulu' Tuhan ra ngaangai' baal ru Samaria am Jirusalim ri Mika.

MIKA 3:7

Ulun ondo' nanala' ra orou rumatong tinauyu' sabap nanala' ilo ra kalo motopot. Ngaangai' ilo asabin sabap i Aki Kapuuno' kalo tumaam risilo.

UNTABAN 16:28

Indagu i Musa ra ngaangai' ulun ra giu' no, “Gitio noyo ralan min makapandai ra Tuhan ondo' nanusub raki' mambaal ra ngaangai' baal ragitio, am ra kalo nambaal aku raginio sumugut ra kasaga' kuno galama'.

MARKUS 12:36

Alika i raja' Daut galama' minindagu ra io binalaan ru Ambiluo ri Aki Kapuuno', kono, ‘I Aki Kapuuno' minindagu ra Tuhan kuno: Panturung no ra pamiris Kutu saboi baalon Ku pantula' Muno kumuku' ngai' Rirun.’

LUKAS 1:70

Sumugut ra nabi-nabi ondo' pinili' Nano ra galing i, nangani' Tuhan ra bantu' Nano

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

RINALATAN 3:18

Ra galing i pinabala' galing ra ngaangai' nabi, nambala' i Aki Kapuuno' ra Mamamayag ondo' sinusub Nano musiti' maimbolo', am ginio nasauk koson ra kasagaan Nano.

SAGULION 33:1

Ra kalo poyo minatoi, i Musa, ulipon ri Aki Kapuuno' no, nambarakat ra ulun ru Israil ra ragu-ragu ragitio:

IBRANI 10:15

Ambiluo ri Aki Kapuuno' niayuk mangani' ritakau ra kaintutunan, ragu Nano:

IBRANI 3:7

Sabap raginio, koson ra bala' ru Ambiluo ri Aki Kapuuno', kon Nano: “Amon ru orou raiti' makaining kau ra bolos ri Aki Kapuuno',

IBRANI 9:8

Intor raginio, Ambiluo ri Aki Kapuuno' mambala' ritakau ra umpasan mongoi ra Intok Matulai Kaga' ti kalo poyo maukab, paat ra lakat ayuk poyo soroi lamin ra saang ru kim no.

JOSUA 14:6

Paat ra sangarawan, kukula' ngaulun intor ra bansa' ru Jiuda minuma' ri Josua giu' ra Gilgal. I Kalib anak ri Jipuni, ulun ru Kinas no, minindagu riso, “Nakapandai kou ra rinagu ru Tuhan ri Musa, ulipon ri Aki Kapuuno', ra ito ruo paat itakau giu' ra Kadis-Barnia.

1 PITRUS 1:11

Nangimumuyan nilo ra ati kulaan am sanggilan ginio masauk, sumugut ra bolos ru Ambiluo ri Kristus ralalom ru guang nilo. Io no nambala' risilo intor ra kaimbalaan ondo' inaru' matuum ri Kristus am poyo intor ra katulayan ra tauli no.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.