2 PITRUS 1:19 - Tanou Moonsoi Timugon

¹⁹ Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

2 PITRUS 1:19 ပူးပေါင်းရင်းမြစ်များ

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

JISAYA 14:12

Alii ra raja' ru Babilonia, butitin ru susuab ondo' moonsoi kaga', naratu' kono intor ra limbowon! Galing i nangala kou ra bansa'-bansa', kaa' ragino okou pinatiran ra tana'.

JISAYA 41:26

Osoi kia ramuyun igondo' manala' ra baal koson raginio, maa' raginio makapandai akai inala' raginio motopot? Kolondo' osoi-osoi pana ramuyun manala' ra baal koson ragitio! Kolondo' sangulun pana mangkirongog ramuyun mindagu ra atan-atan!

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JISAYA 9:2

Iou Tuhan, inanian Mu ilo ra kaansukan maayo, binansuk Mu ilo. Maansukan ilo sabap ra binaal Muno, koson ra ulun maansukan bulintok mangkumos ra tatanom, kapoam mantatayar ra kuliamos ginaau.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

JUANIS 5:35

I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

IBRANI 2:2

Motopot bala' ondo' pinasaboi ru malaikat-malaikat ra kinamatuaan takali am osoi ayuk kalo giminagaya' kapoam siminugut no, binalasan maya' ra binaal nilai no.

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”

1 PITRUS 1:10

Pamayagan ragitio noyo ondo' inintutunan am inimumuyan toojo ru nabi-nabi, am nambala' ilo poyo ra ati kulaan kataawan ri Aki Kapuuno' no ramuyun.

1 JUANIS 5:10

Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

3 JUANIS 1:6

Togom muno tinunung nilo ra pasimpungan ulun Kristian giti ra intok mai galama'. Moonsoi indangano' ilo manunggul ra pangkiralanan nilono, maa' raginio maansukan i Aki Kapuuno'.

PINAINTALANG 2:28

Makapangani' Aku niayuk risilo ra butitin ru sirangon.

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”