2 PITRUS 1:17 - Tanou Moonsoi Timugon

¹⁷ Soroi akai ra giu' i paat ra Io inurumat am inanian ra kuasa' ri Aki Kapuuno', Ama' takau. Paat ragili, norongog ra bolos ru Io Ondo' Matulai Kaga', kon Nano, “Gitio noyo Anak tagamin Kutu am Io no kaansayan Kutu toojo.”

2 PITRUS 1:17 ပူးပေါင်းရင်းမြစ်များ

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

MATIUS 17:3

Maamaya'-maamaya' Nano pana nakakito boo ri nabi Ilia am i nabi Musa makimansunur ri Jisus.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

MARKUS 1:11

Morongog boo bolos ri Aki Kapuuno' mambala'; “Okou noyo Anak Kuno ondo' tagamin Kuno, maansayan Aku Rirun.”

MARKUS 9:7

Ratong boo gaun nangulumput risilo am intor ra ralalom ru gaun no norongog nilo bolos: “Gitio noyo Anak Kutu ondo' tagamin Kutu, rongogo' min Io!”

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

LUKAS 3:22

am Ambiluo ri Aki Kapuuno' koson ra baal ru susuit asang timinuun Riso. Morongog boo bolos ri Aki Kapuuno' mambala', “Okou noyo Anak Kuno ondo' tagamin Kuno, maansayan Aku Rirun.”

JUANIS 10:15

Aku mampataak ra painawo Kuno risilo.

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 14:11

Pangintopot kano ra Aku masimpung ri Ama', am i Ama' masimpung Raki'. Kaa' amon ru kalo, pangintopot kano ayuk ra binaal Kuli.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

JUANIS 3:35

Ama' no motogom ra Anak Nano, am nangani' ra ngaangai' kuasa' Nano Riso.

JUANIS 5:20

Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'.

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JUANIS 6:39

Gitio noyo kasagaan ru Io ondo' nanusub Raki': kalo matatakan Aku ra sangulun pana intor risilo ngai' ondo' pinataak Raki', kaa' mampakaayag Aku risilo paat ra Orou Pupus.

ROMA 15:6

Maa' ra akau rondo' guang no, mokopongompor kano ri Aki Kapuuno', Ama' ru Tuhan takau i Jisus Kristus.

2 KORINTUS 1:3

Koompor noyo i Aki Kapuuno', Ama' ru Tuhan takau i Jisus Kristus; ioginio i Ama' ondo' makaasi' kaga' am puun ru ngaangai' kaindanganan ru guang.

2 KORINTUS 11:31

I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

2 JUANIS 1:3

Gama' ru Ama' takau, i Aki Kapuuno', am Anak Nano i Jisus Kristus manaak ritakau ra barakat, asi' am pabansayan: Gama' ru ngaangai' ragitio maapu takau ra guang motopot am motogom.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus: