2 PITRUS 1:16 - Tanou Moonsoi Timugon

¹⁶ Paat ra akai nambala' ramuyun ra kuasa' am ratangan saguli' ru Tuhan takau i Jisus Kristus, kalo noyo liminansan akai ra tutunungon ondo' binaal-baal ayuk ra ulun. Kaa' akai noyo galama' nakakito ra kuasa' ri Jisus Kristus no.

2 PITRUS 1:16 ပူးပေါင်းရင်းမြစ်များ

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 17:1

Kopongo onom ngoorou ibito' ri Jisus i Pitrus, i Jakubus am pinongkotob nano i Juanis, pagaloi ra rondo' gunung.

MATIUS 24:27

Sabap ra Anak ru Ulun rumatong koson ra ganit suminda ra ngaangai' limbowon intor ra sirangon suku' ra kalasaan.

MATIUS 24:3

Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MARKUS 13:26

Paat raginio, makito Anak ru Ulun matong ralalom ru gaun mabaya' ra kuasa' am katulayan Nano.

MARKUS 14:62

Taam i Jisus, “Iou, akau ngaangai' makakito ra Anak ru Ulun manturung ra pamiris ri Aki Kapuuno' ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon.”

LUKAS 1:2

Nanulis ilo maya' ra tinunung ramon i ru ulun ondo' nakakito galama' ra atan ondo' nasauk intor ra puun i am tauli nampatanou ra bala' i.

LUKAS 9:43

Nangimuag ngaangai' ulun nakakito ra gayo ru kuasa' ri Aki Kapuuno'. Paat ra ulun-ulun no lakat ayuk poyo nokosolong nagilong ra binaal ri Jisus, indagu Io ra maamaya' Nano,

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

1 KORINTUS 1:17

Sinusub aku ri Kristus sala' ka mampariu' ra ulun, kaa' mampabala' ra Tanou Moonsoi; am ginio pana musiti' ku baalon, kaa' kalo maya' ra kapintaran ru ulun ayuk toojo, maa' raginio pinatayan ri Kristus ra salip kalo mairuan ra kuasa'.

1 KORINTUS 1:23

Kaa' itakau ti mampatanou ayuk ra tanou ri Kristus ondo' minatoi ra sinalip. Tanou raginio mampakaruol ra guang ru ulun ru Jaudi am poyo karaan ru ulun sala' ka Jaudi ragu sasambungon.

1 KORINTUS 1:7

saboi kalo matatakan kau ra atan ayuk pana taak intor ri Aki Kapuuno', buoi min maginaa ra ratangan saguli' ru Tuhan takau, i Jisus Kristus.

1 KORINTUS 2:1

Pabukat kau ngaangai', paat ra aku minatong ramuyun am nampatanou ra katapatan ri Aki Kapuuno' ondo' kalo igondo' pinabala', kalo nampatanou aku ra ragu ondo' kalo naratian min am kalo binaya' ku kapintaran ru tana' ti.

1 KORINTUS 2:4

Tanou am pangilaan ondo' pinasaboi kuli ramuyun, kalo minaya' ra kapintaran ru ulun ondo' makabunduk ra guang, kaa' pinainono' ku ati kulaan kuasa' ru Ambiluo ri Aki Kapuuno'.

1 KORINTUS 5:4

Amon matitimung kau, karaa' min ayuk koson ra soroi aku ramuyun mabaya' ra kuasa' ru Tuhan takau i Jisus.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

PILIPI 3:21

Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.

1 TISALONIKA 2:19

Akau no toojo kalansanan am kaansukan mai. Sabap ra paat ra ratangan saguli' ru Tuhan Jisus ra tumuum takau Riso, akau no sasaban ru paringkuanangan maino.

2 TISALONIKA 2:9

Ulun Malaat ti mintalang mabaya' kuasa' ru Tingganai ru riwato am mambaal io ra mansalinut sauk makakuasa', tatandu' am kaimuagan ondo' abau ayuk ngaangai'.

1 TIMOTIUS 1:4

Balai' ilo ra kalo babaya' ra tutunungon kapoam intaran ru tuu'-lair ondo' kolondo' pupupus no. Ngaangai' ragitio mangkinibit ayuk ra pansasangaran am kalo mampaintutun ritakau ra inatang ri Aki Kapuuno' ondo' mauligan mimpuun ra pangintapatan takau ayuk.

1 TIMOTIUS 4:7

Kaa' inggaluri' noyo tutunungon ondo' binaal-baal ayuk ra kolondo' onong no. Igigila' no ra kaayagan ondo' kasagaan ri Aki Kapuuno'.

TITUS 1:14

Am kalo boo makaaya' ilo ra pangilaan ru ugama Jaudi kapoam tutunungon ondo' binaal ayuk ru ulun ondo' timinalikur intor ra pangilaan motopot.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.