2 PITRUS 1:10 - Tanou Moonsoi Timugon

¹⁰ Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

2 PITRUS 1:10 ပူးပေါင်းရင်းမြစ်များ

MAZMUR 112:6

Ulun ra moonsoi kalo igogondo' pamungawo; karaan io ra sabuoi-buoi no.

MAZMUR 121:3

Kalo polosoon No akau maratu'; manindung ramuyun no kalo nombolong.

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

MAZMUR 37:24

Amon maratu' ulun no, kalo majamaran io, sabap ra Tuhan mangitang ra longon nano.

MAZMUR 62:2

Kalinuos kuno ayuk maginaa ri Aki Kapuuno'; Io ayuk mamayag raki'.

MAZMUR 62:6

Kalinuos kuno ayuk maginaa ri Aki Kapuuno'; Io ayuk manaak raki' ra kalansanan.

JISAYA 56:2

Barakatin Ku ulun ondo' gumagaya' ra orou Sabat kalo lumaat ra orou raginio. Ulun ondo' kalo mambaal ra kalaatan moonsoi pamakuan Kuno riso.”

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

MATIUS 22:14

Pupusi' boo ri Jisus abig raginio, indagu Io, “Masuang piawon, kaa' kalo masuang pilion.”

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

IBRANI 6:11

Maayo guang mai ra akau sigagama' mirot pangindangan saboi ra pupus, suku' moowot min lalansanin mini.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

JAKUBUS 2:10

Ulun ondo' manggal ra rondo' pana panusuban intor ra Ukum ri Aki Kapuuno', manggal io niayuk ra ngaangai' panusuban.

JOSUA 7:3

nanaak ilo ri Josua ra pambalaan, “Kalo pana ngaangai' ulun mongoi bulunsar ra bandar no. Atari' ruo kapoam talu ngaribu ngaulun ayuk. Kalo pana ngaangai' pulalai ru saujor mongoi ra giu' koson mangayou sabap ra bandar Ai sala' ka bandar ondo' maayo.”

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

2 PITRUS 1:5

Sabap raginio nai pirot kano koson pangintapatan min ri Kristus ruangin ra kaayagan matanda'; am kaayagan matanda' min ruangin ra kaintutunan.

2 PITRUS 3:14

Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

2 PITRUS 3:17

Pabukat kau ngai' ondo' tagamin ku, nakapandai kano kalalair ra baal ragitio, ginio ra pagilalai' min. Pai' kau makinibitan ru kalayawan ru ulun malaat, saboi tatangon min boo pangintapatan min ra maikang no.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.