2 KORINTUS 9:8 - Tanou Moonsoi Timugon

⁸ Kalo lumonggo' i Aki Kapuuno' mambarakat ramuyun, maa' raginio akau galama' masalok maukapan am malabaan kau niayuk koson makapangani' ra osoi ayuk makakaatangan raginio.

2 KORINTUS 9:8 ပူးပေါင်းရင်းမြစ်များ

2 TUNUNG RU BANSA' ISRAIL 25:9

Pangkuot Raja' Amajia ra nabi no, “Kaa' ati kulaan kia ra ngaangai' pirok ondo' tinaakan ku noyo koson mampagaji' risilo?” Taam nabi no, “Tuhan makapangani' ra masuang poyo intor raginio rirun!”

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

AMSAL 11:24

Mokoondo' ulun mataau, ka rumuang kinalangkaya' nano. Mokoondo' ulun makalit, kaa' rumuang kinamusikin nano.

AMSAL 28:27

Osoi mataau ra ulun musikin kalo matutusan. Osoi ondo' kalo mampalio ra ulun musikin iono ulason.

AMSAL 3:9

Urumato' noyo Tuhan am anii' Io ra taak intor ra rapu' am ampos ru tatanom muno ra moonsoi kaga'.

AGAI 2:8

Ngaangai' mas am pirok ra tana' ti longgom Kuno.

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

RINALATAN 9:36

Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 13:3

Makaapu kau niayuk ra inono' ondo' gogoton mini ra topot-topot i Kristus mindagu mansail raki'. Paat ra Io mampatanda' ramuyun, kalo malawo Io, kaa' mampakito Io ra kuasa' Nano ramuyun.

2 KORINTUS 8:19

Sala' ka ginio ayuk, kaa' pinili' am inaru' io poyo ru pasimpungan ulun Kristian koson mamparangan ramon ra pangkiralanan mai am mangindangan mampaugar ra ruit paindanganon ti. Maa' raginio Tuhan noyo urumaton am kinataau ru guang mai mangindangan ra makito.

2 KORINTUS 8:2

Kininaman ilo toojo ru nansalinut kapaganan, kaa' naansukan ilo toojo. Kabalu' pana musikin ilo toojo, kaa' mataau ilo mangani' ra ulun bokon.

2 KORINTUS 8:7

Mokoondo' noyo ngaangai' ramuyun: maikang pangintapatan, matanda' mindagu, makakapandayan, mataau am motogom kau ramon. Ginio nai boo ra piroto' min poyo pangindanganan moonsoi ti.

2 KORINTUS 9:11

I Aki Kapuuno' mangani' ramuyun ra kaukapan suku' makapangani' kau ra ulun bokon, am koson raginio masuang ulun maringkuanang ri Aki Kapuuno' sabap ra ruit paindanganon ondo' tinaakan min mumbaya' ramon.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

PILIPI 4:11

Pai' ru rinagu ku gitio sabap ra nailusan aku: sabap ra naubas aku no ra atan ayuk.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

2 TIMOTIUS 2:21

Koson ra osoi ayuk ondo' mangandoi ra Tuhan, amon ru tumalikur intor ra ngaangai' kalaatan, saukon io boo mambaal ra maatang. Pilion io sabap ra mokoonong ra pagilangan ru tuan nano. Nakatampos io noyo pongondoyon ra atan ayuk baal moonsoi.

2 TIMOTIUS 3:17

Maa' raginio osoi ayuk mangangandoi ri Aki Kapuuno' makatampos toojo mampaugar ra atan ayuk kandoi moonsoi.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

TITUS 3:14

Ulun takau musiti' migigila' ati kulaan mambaal ra moonsoi. Ginio makapangindangan toojo ra ulun ondo' kolondo' kaukapan am mambaal ra kaayagan nilo pana makaampos.

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

1 PITRUS 4:10

Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.