2 KORINTUS 9:6 - Tanou Moonsoi Timugon

⁶ Karaa' min! Ulun ondo' sanganu ayuk sampug tiason no, sanganu niayuk kumoson no. Kaa' ulun ondo' masuang sampug tiason no, masuang niayuk kumoson no.

2 KORINTUS 9:6 ပူးပေါင်းရင်းမြစ်များ

AMSAL 11:18

Ulun malaat kalo makaalap ra kaulian ra sotopot no; kaa' ulun mambaal ra moonsoi kaulian nano motopot.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 22:9

Ulun mataau am mantayar ra akanon no ra ulun musikin, barakaton io ru Tuhan.

MAMPATANOU 11:1

Tonomo' noyo ruit giu' ra liwar ru pagun; maaru' makaalap kou ra kalabaan paat ra orou rumatong no.

MAMPATANOU 11:6

Patiaso' noyo sampug tampilon ra susuab ti am niayuk ra mai' no, sabap kalo makapandai takau ru ngaangai' no tumuu', kapoam ati rondo' tias tumuu' ra malabung poyo.

LUKAS 6:38

Pangani' kano, koson i Aki Kapuuno' pana mataau mangani' ra tayar moonsoi ramuyun. Tayar ondo' insokon no toojo am ruangin no saboi mototop. Panunuku' ondo' alapon min mangakim ra ulun ra bokon, panunuku' raginio niayuk alapon ri Aki Kapuuno' mangakim ramuyun.”

1 KORINTUS 1:12

Kon kutu ra sigagama' kau mindagu ra, “Maya' aku ri Paulus,” am kon ru bokon, “Maya' aku ri Apolos,” kon poyo ru bokon, “Maya' aku ri Pitrus,” am mokoondo' niayuk mindagu ra, “Maya' aku ri Kristus.”

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

1 KORINTUS 7:29

Pabukat kau ngaangai', gitio arati' ru kon kuli: kaluagan takau kalo boo mabuoi. Ginio ra tumalimpuun intor raino, moonong ungkuyon ra makaandu', moonsoi mampakaatang io ri Aki Kapuuno' ka mampakaatang ra andu' nano ayuk.

2 KORINTUS 9:10

I Aki Kapuuno' noyo mangani' ra sampug ra ulun mapatias am poyo akanon ru itakau ulun. Io niayuk ondo' mangani' am mampatuu' ra tiniasan mino suku' rumuang ampos no, maa' raginio makapangani' kau ra ulun bokon.

2 KORINTUS 9:5

Ginio nai ra aku nampaguang ra moonsoi poongoyon ku talu ngaulun i ramuyun magulu intor raki', maa' raginio makatampos kau ra ruit paindanganon ondo' binantu' min i. Kon boo raginio nakatampos noyo ruit paindanganon mino ra aku makasuku'. Ginio koson mampakito ra mangani' kau maya' ra kinataau ru guang min, am sala' ka najajalan kau.

GALATIA 3:17

Kon kutu am: i Aki Kapuuno' nambaal ra rondo' bantu', am poyo minindagu ra intopoton No ginio. Ukum ri Musa ondo' apat ngaatus talu ngoopor ngambilor nakatauli sinauk, kalo noyo maalap kapuso kapoam kalulu' nabantuan ni.

GALATIA 5:16

Gitio noyo kon kutu; Polosoo' ayuk Ambiluo ri Aki Kapuuno' manguasa' ra bayag min, am pai' gagayaa' kalaatan ru guang mino galama'.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

KOLOSI 2:4

Ginio nai ra mambala' aku ramuyun: Pai' min polosoo' abau ru ulun mampalayau ramuyun, kabalu' pana kula' gamis iningon ragu nilai no.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.