2 KORINTUS 8:8 - Tanou Moonsoi Timugon

⁸ Bilin kutu am sala' ka karaan min ra rondo' panusuban. Kaa' mambala' aku ayuk ra kapiratan ru ulun-ulun bokon no mangani' ra pangindanganan no, masaga' aku makapandai ra motogom kau kia toojo ra ulun bokon.

2 KORINTUS 8:8 ပူးပေါင်းရင်းမြစ်များ

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

1 KORINTUS 7:12

Pabukat ra bokon, karaa' min ragu ragitio, (gitio intor raki' am sala' ka Tuhan); amon ru sangulun ungkuyon Kristian makaandu' ra sala' ka ulun Kristian, am masaga' andu' no masimpung riso, moonsoi kalo alion no andu' nano.

1 KORINTUS 7:25

Koson ra ulun ondo' kalo poyo nawot, kolondo' pambalaan ru Tuhan posoboyon kuno ramuyun, kaa' mangani' aku ayuk ramuyun ra pamaguangan koson ra pangkaraan. Sabap ra asi' ru Tuhan raki', maaya' aku mindagu am niayuk malansanan min.

1 KORINTUS 7:6

Rinagu ku gitio sala' ka koson manusub ramuyun, kaa' koson ra rondo' pangkaraan min ayuk.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

2 KORINTUS 8:10

Sumugut ra pamaguangan ku, moonsoi pongoonon min raino ondo' natalimpuunan min ra sambilaran i. Akau kasaa' toojo nampaguang am nakatampos nangani' ra ruit pangindanganan ti.

2 KORINTUS 8:24

Ginio ra ponogom kano risilo, maa' raginio makapampakito kau ra ngaangai' pasimpungan ulun Kristian ra ompor mai ramuyun am motopot ayuk.

2 KORINTUS 9:2

Nakapandai aku ra akau masaga' mangindangan. Koson ragitio ompor kuno ramuyun ra ulun ru Makidonia ra aku minindagu risilo, “Pabukat min ra Kristian ra pagun ru Akaya nakatampos noyo kalalair ra taak nilai intor ra sambilaran i.” Kinataau min ti noyo nampakapirot ra guang ru kasuangan nilai.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

IPISUS 4:15

Sotopot no, kalo. Mindagu takau ra katapatan mabaya' ra togom, am koson raginio makatilu takau ra paliso ri Kristus, ondo' maningganai ritakau.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

IBRANI 10:24

Guango' takau, ati koson mangindangan ra ulun montotogom ra rondo' am bokon am poyo mambaal ra moonsoi.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.