2 KORINTUS 8:7 - Tanou Moonsoi Timugon

⁷ Mokoondo' noyo ngaangai' ramuyun: maikang pangintapatan, matanda' mindagu, makakapandayan, mataau am motogom kau ramon. Ginio nai boo ra piroto' min poyo pangindanganan moonsoi ti.

2 KORINTUS 8:7 ပူးပေါင်းရင်းမြစ်များ

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

2 KORINTUS 9:8

Kalo lumonggo' i Aki Kapuuno' mambarakat ramuyun, maa' raginio akau galama' masalok maukapan am malabaan kau niayuk koson makapangani' ra osoi ayuk makakaatangan raginio.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

2 KORINTUS 8:6

Ginio sabap ra akai nanusub ri Titus ondo' nanalimpuun ra pangindanganan ti, koson manunggul am mangindangan io ramuyun momongo ra kandoi moonsoi ti.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

1 KORINTUS 1:5

Sabap ra masuang boo katutunan min ralalom ngaangai' baal, niayuk ondo' raguon am kapandayan min.

1 KORINTUS 13:8

Ulun musiti' masalok monogom ra bokon. Raino ti mokoondo' ulun mapandai mampasaboi ra bala' intor ri Aki Kapuuno', kaa' ginio kalo mantilayun. Mokoondo' niayuk ulun inanian ra kapandayan mindagu ra ragu imuagan, kaa' ginio pana kalo mantilayun. Mokoondo' poyo ulun makapambala' ra kapandayan intor ri Aki Kapuuno', kaa' kapandayan nilono mapuso niayuk.

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

2 KORINTUS 9:14

Ginio ra moondom ilo ramuyun, am ra moonong pakiasian nilai mangkara' ilo ra ati kulaan gayo ru kataawan ri Aki Kapuuno' no ramuyun.

2 KORINTUS 7:7

Akai pinaansuk am sala' ka luur ayuk ru rinatangan nali, kaa' ondo' niayuk ra io nambala' ra nampaikang kau ra guang nali. Nambala' io poyo ra moogot kau tumuum raki' sabap ra pansagulian boo guang min am raino masaga' kau manungka' raki'. Ginio noyo ondo' nampakaansuk toojo raki'.

1 KORINTUS 14:12

Makapandai aku ra mompogogot kau ra kapandayan intor ra Ambiluo ri Aki Kapuuno' no. Kaa' ondo' maatang toojo, musiti' mompogogot kau ra kapandayan ondo' mampaikang ra pasimpungan ulun Kristian.

ROMA 15:14

Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

MATIUS 25:22

Ulipon ondo' inanian ra ruo ngaribu ruit mas ratong boo am indagu ra tuan no, ‘Nangani' kou raki' ruo ngaribu ruit mas. Ilai', nakaalap aku ruo ngaribu poyo.’