2 KORINTUS 8:6 - Tanou Moonsoi Timugon

⁶ Ginio sabap ra akai nanusub ri Titus ondo' nanalimpuun ra pangindanganan ti, koson manunggul am mangindangan io ramuyun momongo ra kandoi moonsoi ti.

2 KORINTUS 8:6 ပူးပေါင်းရင်းမြစ်များ

RINALATAN 24:17

Kukula' ngambilor kalio aku ra Jirusalim am bagu siminaguli' aku. Inangayan ku ra giu' i koson magibit ra ruit paindanganon ra bansa' kuno galama' am poyo mangani' ra taak ri Aki Kapuuno'.

ROMA 15:25

Kaa' raino mongoi aku ra Jirusalim pangator ra ruit pangindangan ra ulun ri Aki Kapuuno' ra giu' no.

2 KORINTUS 12:18

Pinoongoi ku tupo i Titus ramuyun, am sinusub ku poyo pabukat Kristian ra bokon mabaya' riso. Nangingkaut kia i Titus ramuyun? Maaru' kalo, sabap ra rondo' guang mai ri Titus am mogondo' niayuk ralan mai mangandoi.

2 KORINTUS 2:13

Kaa' guang ku nagalabo toojo, sabap ra kalio natuum ku i Titus, pabukat takau ra Kristian. Ginio ra tatango' ku ulun-ulun Troas koson manunggul ra pangkiralanan ku ra pagun Makidonia.

2 KORINTUS 8:10

Sumugut ra pamaguangan ku, moonsoi pongoonon min raino ondo' natalimpuunan min ra sambilaran i. Akau kasaa' toojo nampaguang am nakatampos nangani' ra ruit pangindanganan ti.

2 KORINTUS 8:19

Sala' ka ginio ayuk, kaa' pinili' am inaru' io poyo ru pasimpungan ulun Kristian koson mamparangan ramon ra pangkiralanan mai am mangindangan mampaugar ra ruit paindanganon ti. Maa' raginio Tuhan noyo urumaton am kinataau ru guang mai mangindangan ra makito.

2 KORINTUS 8:23

I Titus ti noyo rangan kuno mangandoi mangindangan ramuyun. Karuo-ruo ngaulun i poyo ondo' mamarangan riso, sinusub ilo ru pasimpungan ulun Kristian ragiti am mumbaya' risilo i Kristus urumaton.

2 KORINTUS 8:4

nangitaak ilo toojo ramon, koson iowon ilo boo mangindangan ra ulun ri Aki Kapuuno' ra Jirusalim.

2 KORINTUS 9:5

Ginio nai ra aku nampaguang ra moonsoi poongoyon ku talu ngaulun i ramuyun magulu intor raki', maa' raginio makatampos kau ra ruit paindanganon ondo' binantu' min i. Kon boo raginio nakatampos noyo ruit paindanganon mino ra aku makasuku'. Ginio koson mampakito ra mangani' kau maya' ra kinataau ru guang min, am sala' ka najajalan kau.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

1 PITRUS 4:10

Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.