2 KORINTUS 8:23 - Tanou Moonsoi Timugon

²³ I Titus ti noyo rangan kuno mangandoi mangindangan ramuyun. Karuo-ruo ngaulun i poyo ondo' mamarangan riso, sinusub ilo ru pasimpungan ulun Kristian ragiti am mumbaya' risilo i Kristus urumaton.

2 KORINTUS 8:23 ပူးပေါင်းရင်းမြစ်များ

LUKAS 5:10

Rangan-rangan ri Simon pana naliangan. Ilo ti am i Jakubus am i Juanis, karuruo ti anak ri Jibidius. Indagu i Jisus ri Simon, “Pai' kalaa'! Intor raino mangkimait kou ra ulun mangintopot Raki'.”

LUKAS 5:7

Ginio ra pangulawi ilo pakiindangan ra rangan nilo ra bokon i intor ra parau ra bokon. Ratong rangan nilai, suangi' nilo karuruo parau i ra papait saboi napanu' am maar makalom parau nilai.

JUANIS 13:16

Balain takamin toojo: Sangulun ulipon kalo maatang poyo intor ra tuan nano. Mogondo' niayuk ra sangulun sinusub kalo maatang poyo intor ra nanusub riso.

1 KORINTUS 11:7

Ungkuyon kalo pana marundung, sabap ra io inaru' mampakito ra baal am katulayan ri Aki Kapuuno'. Kaa' ruandu' inaru' mangurumat ra ungkuyon.

2 KORINTUS 12:18

Pinoongoi ku tupo i Titus ramuyun, am sinusub ku poyo pabukat Kristian ra bokon mabaya' riso. Nangingkaut kia i Titus ramuyun? Maaru' kalo, sabap ra rondo' guang mai ri Titus am mogondo' niayuk ralan mai mangandoi.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

2 KORINTUS 8:18

Sangulun poyo ungkuyon pamarangan mai ri Titus. Io mauligan ru ngaangai' pasimpungan ulun Kristian ragiti sabap ra kinapandai no mampabala' ra Tanou Moonsoi.

2 KORINTUS 8:19

Sala' ka ginio ayuk, kaa' pinili' am inaru' io poyo ru pasimpungan ulun Kristian koson mamparangan ramon ra pangkiralanan mai am mangindangan mampaugar ra ruit paindanganon ti. Maa' raginio Tuhan noyo urumaton am kinataau ru guang mai mangindangan ra makito.

2 KORINTUS 8:22

Mokoondo' sangulun poyo pamarangan mai ri Titus, ondo' ingkukula' mai noyo kinami' ra nansalinut baal am makito toojo kinapirot ru guang nati mangindangan. Mulu' poyo boo raino, sabap ra ikang ru kinalansan nano ramuyun.

2 KORINTUS 8:6

Ginio sabap ra akai nanusub ri Titus ondo' nanalimpuun ra pangindanganan ti, koson manunggul am mangindangan io ramuyun momongo ra kandoi moonsoi ti.

PILIPI 2:25

Kaa' koson ra pabukat takau i Ipaproditus ondo' sinusub min mamparangan raki' koson mangindangan ra kandoi kutu, sumugut ra pamaguangan kuno moonsoi atarin ku io saguli' ramuyun.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 1:7

Inigigilaan min ragitio intor ra rangan mangangandoi mai i Ipapras, ondo' tagamin mai. Io sangulun mangngandoi ri Kristus ondo' sumugut toojo ra kandoi maatang maiti.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

PILIMON 1:17

Ginio sabap ra amon ru makimabukat kou raki' ra Kristian, apuo' io no mogondo' raki'.

PILIMON 1:24

Mogondo' niayuk ra rangan-rangan mangandoi kuno i Markus, Aristarkus, Dimas am poyo i Lukas.

3 JUANIS 1:8

Ginio ra itakau ulun Kristian musiti' mangindangan ra ulun Kristian ti, maa' raginio makapangindangan ra kondoyon nilo mampatanou ra pambalaan motopot intor ri Aki Kapuuno'.