2 KORINTUS 8:20 - Tanou Moonsoi Timugon

²⁰ Pinaaya' mai io, maa' raginio kolondo' sangulun kon pana makapanguu' ramon ra ati kulaan akai mampaugar ra kinasuang ru ruit ti.

2 KORINTUS 8:20 ပူးပေါင်းရင်းမြစ်များ

1 TISALONIKA 5:22

Inggalur kano ra atan ayuk baal malaat.

IPISUS 5:15

Ginio ra ilai' min toojo ati kulaan baal ru kaayagan mino. Pai' kau koson ra ulun bungas, kaa' kapintar kano.

2 KORINTUS 11:12

Atan ondo' baalon kuno raino, ginio ayuk rayuson kuno, maa' raginio “rasul” ra bokon no kolondo' boo sasaban lumimbau am mindagu rokoon ra mangandoi ilo koson ramon.

1 KORINTUS 16:3

Ginio ra paat ra aku mokoongoi ramuyun, poongoyon ku ulun ondo' kalansanin min ra bandar Jirusalim, mabaya' ra surat pangiawan am ruit paindanganon min.

ROMA 14:16

Intor raginio, pai' polosoo' ra akau sangkaakani' ra atan ayuk karaan ru ulun ra bokon ra malaat.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

2 RAJA'-RAJA' 12:15

Pagawai-pagawai ondo' mantamung ra kandoi no mabanis toojo guang. Ginio ra kalo kitaakon ilo mambaal ra laporan ru ruit.

2 KORINTUS 8:19

Sala' ka ginio ayuk, kaa' pinili' am inaru' io poyo ru pasimpungan ulun Kristian koson mamparangan ramon ra pangkiralanan mai am mangindangan mampaugar ra ruit paindanganon ti. Maa' raginio Tuhan noyo urumaton am kinataau ru guang mai mangindangan ra makito.

2 KORINTUS 8:21

Kinooi mai ragino sabap ra masaga' akai mambaal ra atan ondo' motopot, sala' ka ra pagilangan ru Tuhan ayuk, kaa' ra pagilangan ru ulun niayuk.