2 KORINTUS 8:19 - Tanou Moonsoi Timugon

¹⁹ Sala' ka ginio ayuk, kaa' pinili' am inaru' io poyo ru pasimpungan ulun Kristian koson mamparangan ramon ra pangkiralanan mai am mangindangan mampaugar ra ruit paindanganon ti. Maa' raginio Tuhan noyo urumaton am kinataau ru guang mai mangindangan ra makito.

2 KORINTUS 8:19 ပူးပေါင်းရင်းမြစ်များ

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 9:8

Kalo lumonggo' i Aki Kapuuno' mambarakat ramuyun, maa' raginio akau galama' masalok maukapan am malabaan kau niayuk koson makapangani' ra osoi ayuk makakaatangan raginio.

RINALATAN 15:25

Ginio boo ra miting am nangiou akai ra kukula' ngaulun poongoyon ramuyun mabaya' ri Barnabas am i Paulus

RINALATAN 15:22

Kapatasan boo ru rasul-rasul am tingganai nabaya' ra ngaangai' ulun Kristian nampili' ra ruo ngaulun intor risilo poongoyon ra Antiokia mabaya' ri Paulus am i Barnabas. Ondo' pinili' nilai ti i Silas am i Judas, ondo' sabiton ri Barsabas; karuruo ti inurumat tojojo ru ulun Kristian giu' ra Jirusalim.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 19:22

Ginio ra, susubo' no ruo ngaulun mangingindangan riso, i Timotius am i Irastus, magulu mongoi ra Makidonia. Kaa' minayan io poyo ra kukula' buoi ra pagun Asia.

RINALATAN 19:29

Kumuliangi-angi boo ulun ra ngaangai' ru bandar i. Ulun masuang namparakop niayuk ri Gayus am i Aristarkus, karuruo ti ulun Makidonia ondo' namparangan ri Paulus ralalom pangkiralanan nali. Ralaato' ilo boo ra stadium ru bandar i.

ROMA 5:3

Mulu' poyo itakau maansukan amon ru makakapaganan, sabap ra mapandayan noyo kapaganan no magibit ritakau mokoorot,

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

2 KORINTUS 8:11

Raino, pirot kano momongo ra atan ondo' kinasaga' ru guang min ragili, kaa' maya' ra kula' ayuk ondo' mataakan min.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 8:20

Pinaaya' mai io, maa' raginio kolondo' sangulun kon pana makapanguu' ramon ra ati kulaan akai mampaugar ra kinasuang ru ruit ti.

2 KORINTUS 9:2

Nakapandai aku ra akau masaga' mangindangan. Koson ragitio ompor kuno ramuyun ra ulun ru Makidonia ra aku minindagu risilo, “Pabukat min ra Kristian ra pagun ru Akaya nakatampos noyo kalalair ra taak nilai intor ra sambilaran i.” Kinataau min ti noyo nampakapirot ra guang ru kasuangan nilai.