2 KORINTUS 8:18 - Tanou Moonsoi Timugon

¹⁸ Sangulun poyo ungkuyon pamarangan mai ri Titus. Io mauligan ru ngaangai' pasimpungan ulun Kristian ragiti sabap ra kinapandai no mampabala' ra Tanou Moonsoi.

2 KORINTUS 8:18 ပူးပေါင်းရင်းမြစ်များ

ROMA 16:4

Ilo ti maar noyo matoi paat nangindangan pamayag raki'. Paringkuanangan ku risilo, am sala' ka aku ayuk, kaa' ngaangai' ulun Kristian sala' ka Jaudi niayuk maringkuanang risilo.

1 KORINTUS 16:3

Ginio ra paat ra aku mokoongoi ramuyun, poongoyon ku ulun ondo' kalansanin min ra bandar Jirusalim, mabaya' ra surat pangiawan am ruit paindanganon min.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

1 KORINTUS 7:17

Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

2 KORINTUS 12:18

Pinoongoi ku tupo i Titus ramuyun, am sinusub ku poyo pabukat Kristian ra bokon mabaya' riso. Nangingkaut kia i Titus ramuyun? Maaru' kalo, sabap ra rondo' guang mai ri Titus am mogondo' niayuk ralan mai mangandoi.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

2 KORINTUS 8:19

Sala' ka ginio ayuk, kaa' pinili' am inaru' io poyo ru pasimpungan ulun Kristian koson mamparangan ramon ra pangkiralanan mai am mangindangan mampaugar ra ruit paindanganon ti. Maa' raginio Tuhan noyo urumaton am kinataau ru guang mai mangindangan ra makito.