2 KORINTUS 8:10 - Tanou Moonsoi Timugon

¹⁰ Sumugut ra pamaguangan ku, moonsoi pongoonon min raino ondo' natalimpuunan min ra sambilaran i. Akau kasaa' toojo nampaguang am nakatampos nangani' ra ruit pangindanganan ti.

2 KORINTUS 8:10 ပူးပေါင်းရင်းမြစ်များ

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

MATIUS 10:42

Balain takamin: Osoi ayuk mampainum ra santiib timug ayuk pana ra sangulun ondo' kalo umparaan ru ulun sabap ra maamaya' Ku io, totopot niayuk makaalap ulun no ra ampos nano.”

JUANIS 11:50

Kalo kia matutunan min ra moonsoi poyo sangulun suali ayuk matoi intor ra ngaangai' ru bansa' mapuso?”

JUANIS 16:7

Ondo' raguon Kutu ramuyun motopot: Moonsoi ra Aku mugar, amon ru kalo, Mangingindangan no kalo matong ramuyun. Kaa' amon ru mugar Aku, porotongon Ku boo Io ramuyun.

JUANIS 18:14

Io no ondo' minindagu ra ulun ru Jaudi ra, “Moonsoi poyo sangulun ayuk matoi, suali ru ngaangai' bansa'.”

1 KORINTUS 10:23

Mokoondo' ulun mindagu ra, “Atan ayuk kasagaan takau, ginio baalon takau.” Motopot, kaa' sala' ka ngaangai' kasagaan takau mokoonong. “Atan ayuk kasagaan takau, ginio baalon takau.” Motopot, kaa' sala' ka ngaangai' kasagaan takau mapasingkot ra kaayagan takau.

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

1 KORINTUS 6:12

Mokoondo' ulun mindagu ra, “Kolondo' boo mokopongompong raki' mambaal ra atan ayuk kasagaan ru guang kuno.” Ginio motopot: Kaa' sala' ka ngaangai' no moonsoi rirun. Aku pana makatilu mindagu ra, “Kolondo' boo mokopongompong raki' mambaal ra atan ayuk kasagaan ru guang kuno.” Kaa' kalo masaga' aku ra atan ayuk pana mangulipon raki'.

1 KORINTUS 7:25

Koson ra ulun ondo' kalo poyo nawot, kolondo' pambalaan ru Tuhan posoboyon kuno ramuyun, kaa' mangani' aku ayuk ramuyun ra pamaguangan koson ra pangkaraan. Sabap ra asi' ru Tuhan raki', maaya' aku mindagu am niayuk malansanan min.

1 KORINTUS 7:40

Kaa' mulu' bonsoi ru kalo boo mangindalaki io. Ginio sumugut ra pangkaraan ku ayuk, kaa' guang kuno maaya' aku niayuk mindagu koson raginio, sabap ra aku pana kinuasa' ru Ambiluo ri Aki Kapuuno'.

2 KORINTUS 12:1

Kabalu' pana gitio kolondo' onong, kaa' lumimbau aku niayuk koson masaga' aku mambala' ra papaintalangan am papakitanan ondo' pinakito raki' ru Tuhan.

2 KORINTUS 8:6

Ginio sabap ra akai nanusub ri Titus ondo' nanalimpuun ra pangindanganan ti, koson manunggul am mangindangan io ramuyun momongo ra kandoi moonsoi ti.

2 KORINTUS 8:8

Bilin kutu am sala' ka karaan min ra rondo' panusuban. Kaa' mambala' aku ayuk ra kapiratan ru ulun-ulun bokon no mangani' ra pangindanganan no, masaga' aku makapandai ra motogom kau kia toojo ra ulun bokon.

2 KORINTUS 9:2

Nakapandai aku ra akau masaga' mangindangan. Koson ragitio ompor kuno ramuyun ra ulun ru Makidonia ra aku minindagu risilo, “Pabukat min ra Kristian ra pagun ru Akaya nakatampos noyo kalalair ra taak nilai intor ra sambilaran i.” Kinataau min ti noyo nampakapirot ra guang ru kasuangan nilai.

PILIPI 4:17

Sotopot no pai' ru mompogogot aku ra taak mino raginio, kaa' ondo' ayuk gogoton ku ioginio ampos ru kasingkatan mino.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.