2 KORINTUS 7:14 - Tanou Moonsoi Timugon

¹⁴ Nokopongompor aku no alia ramuyun ra saang nali, am maansayan aku ra kalo tupo nampakauyu' kau raki'. Ngaangai' ragu mai ramuyun motopot ayuk, mogondo' niayuk ra ompoporon maili ri Titus i pana motopot.

2 KORINTUS 7:14 ပူးပေါင်းရင်းမြစ်များ

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

2 KORINTUS 12:6

Kaa' amon ru lumimbau aku pana, pai' ru sasambungon aku, sabap ra motopot raguon kutu. Kalo masaga' aku lumimbau sabap ra papakitanan i, kaa' maya' ra atan ayuk ondo' binaal am rinagu kuli.

2 KORINTUS 2:13

Kaa' guang ku nagalabo toojo, sabap ra kalio natuum ku i Titus, pabukat takau ra Kristian. Ginio ra tatango' ku ulun-ulun Troas koson manunggul ra pangkiralanan ku ra pagun Makidonia.

2 KORINTUS 7:13

Ginio noyo nampaikang ra guang mai. Am suai poyo raginio, pinaikang niayuk guang mai sabap ra kinabansuk ri Titus. Guang no pinaikang min ngaangai'.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

2 KORINTUS 8:24

Ginio ra ponogom kano risilo, maa' raginio makapampakito kau ra ngaangai' pasimpungan ulun Kristian ra ompor mai ramuyun am motopot ayuk.

PILIPI 1:26

Am koson boo raginio, paat ra aku mongoi poyo ramuyun, mulu' poyo kinasuang ru paringkuanangan min sabap ra indangan kutu, ondo' nagibit noyo ramuyun makasimpung ri Jisus Kristus.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.