2 KORINTUS 6:9 - Tanou Moonsoi Timugon

⁹ Karaan akai ra kalo kauligan, kaa' matutunan akai niayuk ru ngaangai' ulun. Masalok akai makauma' ra baal makapatoi, kaa' ilai', maayag akai niayuk. Kabalu' pana imboloon akai, kaa' kalo poyo napatoi.

2 KORINTUS 6:9 ပူးပေါင်းရင်းမြစ်များ

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 25:19

Kaa' atan ondo' nagansangan nilai ti iono kinibit ayuk ru ugama nilo galama' am niayuk sangulun ungkuyon makainggalan i Jisus, ondo' minatoi noyo, kaa' karaan ri Paulus ra naayag io kunu'.

RINALATAN 25:26

Kaa' kalo makapandai aku ra atan kia musiti' ku tulisin intor riso ra surat posoboyon kuno ra Kaisar. Ginio nai ra pinatuum ku io ramuyun am mulu' poyo okou, raja' Agripa. Binaal ku koson raginio ra mopongo io maimumuyan mu, bagu makapanulis aku ra surat.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

ROMA 8:36

Koson ragitio tinulisan ra Buuk Kitab, “Masalok akai makauma' ra baal makapatoi sabap ra akai ulun Muno, akai koson niayuk ra domba ondo' simbaluyon.”

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

1 KORINTUS 15:31

Pabukat kau ngaangai', moonong orou aku makauma' ra baal makapatoi. Mindagu aku koson raginio sabap ra maansukan aku ra kaayagan mino ra nangintopot kano ra Tuhan takau, i Jisus Kristus.

1 KORINTUS 4:9

Sumugut ra pamaguangan kuno, akai rasul pinatauli toojo ra ngaangai' ulun. Akai ti mogondo' ra ulun ondo' inukum potoyo' ra saang ru ngaangai' malaikat am ulun ru tana' ti.

2 KORINTUS 11:6

Mailo aku lair mampabala' ramuyun, kaa' kapandayan kuno ra Tanou Moonsoi malandom toojo, am ginio pinaintutun mai noyo toojo ramuyun.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.