2 KORINTUS 6:5 - Tanou Moonsoi Timugon

⁵ lalambaan akai, aputon akai, uupin akai, pongondoyon akai boo ra maagat, maitilan am malukou akai.

2 KORINTUS 6:5 ပူးပေါင်းရင်းမြစ်များ

1 RAJA'-RAJA' 22:27

Susubo' ilo mangaput riso ra pangaputan, am paaniin io ra ruti' am timug ayuk saboi ra aku makasaguli' ra maayag.”

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

JISAYA 53:5

Kaa' pinilatan io sabap ra tula-tula takau, am sinindualan sabap ra kalaatan takau. Inukuman io maa' raginio itakau bayagon, sabap ra ulitomo' nano nababas takau.

JIRIMIA 33:1

Paat ra aku lakat poyo rinakop giu' ra liliut ru istana, nampasaboi Tuhan ra tanou ra bokon raki'.

JIRIMIA 38:6

Ginio ra inibit nilo aku am pinatuun aku ra kalat ra ralalom tulubong ru anak raja' i Malkia. Tulubong no soroi giu' ra liliut ru istana. Nalasakan tulubong no, molosok ayuk, aku pana nakatapung ra ralalom ru losok no.

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

MATIUS 14:10

Ginio ra i Juanis iningguluan ra pangaputan.

MATIUS 14:3

Kukula' buoi ra nakasail i, maya' ra susuban ru raja' Irodis, i Juanis Mampariu' ti rinakop. Bangkilo' io am pasubolo' ra pangaputan. Binaal ru raja' Irodis koson raginio maya' ra kasagaan ri Irodias, andu' ri Pilipus, pongkotob ru raja' Irodis.

MATIUS 9:15

Taam i Jisus, “Malansan kau kia ra tambului ondo' minaya' ra ungkuyon uatin no mampali ra io soroi ayuk poyo risilo? Maaru' kalo! Kaa' masuku' niayuk orou ungkuyon uatin no alapon intor risilo am bagu no mampali ilo.

RINALATAN 13:3

Kopongo ilo nampali am nakiasi', pabantaa' nilo kalindu' nilai ri Barnabas am i Saulus. Susubo' nilo ruo ngaulun i mugar.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 17:5

Kaa' maruol guang ru ulun-ulun ru Jaudi. Ginio ra panusub ilo kukula' ngaulun malaat ongoi ra ralan koson mampakasalula' ra pagagabuan giu' ra bandar i. Subolo' nilo boo baloi ri Jason, koson maguyum ri Paulus am i Silas sabap ra masaga' ilo magibit risilo ra saang ru ulun masuang.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

RINALATAN 23:10

Gili boo ra pansasangaran i giminaai toojo, saboi tingganai maayo ru saujor no malaa' ra uupin nilo lair i Paulus. Ginio ra susubo' no i Paulus paingkualon intor ra tatanga' ru ulun-ulun no am ibiton ra kim ru saujor.

RINALATAN 23:35

indagu io, “Imumuyin tokou ra makaratong ayuk ulun ondo' manguu' rirun.” Panusub io ra i Paulus aputon giu' ra istana ondo' gili binaal ru raja' Irodis.

RINALATAN 24:27

Pakasail ruo ngambilor, mokoondo' gabenor bagu, io no i Pirkius Pistus namalit ri Piliks. Kaa' nompoloso io ayuk i Paulus giu' ra lamin pangaputan sabap ra masaga' io mangambi' ra guang ru ulun-ulun ru Jaudi.

RINALATAN 26:10

Nambaal aku niayuk koson raginio giu' ra Jirusalim. Inanian aku noyo ra surat pangiawan ru tingganai-tingganai imam Jaudi, ra masuang ulun ri Aki Kapuuno' pasubolon ra lamin pangaputan. Nangiou aku niayuk ra ilo ti potoyon.

RINALATAN 26:29

Taam i Paulus, kono, “Mataki' kia kapoam mabuoi, ginio kalo maatang, kaa' makiasi' aku ri Aki Kapuuno' ra okou am ngaangai' ondo' mangkirongog raki' ra orou raiti' masauk niayuk ra Kristian koson raki'. Kaa' ondo' ayuk kalo am makaaya' rantayon.”

RINALATAN 28:30

Buoi ruo ngambilor i Paulus minayan ra Roma, giu' ra baloi siniwaan nali. Masaga' io mangapu ra ngaangai' ulun ondo' minongoi uma' riso i.

RINALATAN 5:18

Rokopo' nilo rasul-rasul no am pasubolo' ra lamin pangaputan ru bandar.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 4:11

Saboi raino naitilan am pinaason akai; am lairon ngaangai' konoon maino; inimbolo' akai; kalo mokorondon akai ra rorondo' intok;

1 KORINTUS 7:5

Pai' pagimpong ra rondo' am bokon, ondo' ak am ra kukula' buoi ayuk, amon ru mangiou karuruo, maa' raginio makapakiasi' kau toojo. Kaa' kopongo raginio, karuruo no musiti' marampit saguli'. Maa' raginio kalo makinibitan kau ru Tingganai ru riwato no sabap ra kalo moorot min kasagaan ru guang mino.

2 KORINTUS 11:27

Mirot aku mangandoi suku' matipatoi; malukou aku am magail kalo maukop akanon kapoam inumon; magail aku ayuk maitilan, masimuan am poyo kolondo' ralinan kapoam ayanan.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

SAGULION 25:3

Malapos io saboi suang no inggapat ngoopor, kaa' kalo masailan intor raginio. Amon ru masailan intor raginio, asabin ulun no ra saang ru ulun nasuangan.

PILIPI 1:13

Intor ra baal raginii, ngaangai' saujor ru istana no am ulun-ulun ru bandar ti pana nakapandai ra inaput aku sabap ra kandoi kuno ri Kristus.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.

2 TIMOTIUS 4:5

Kabalu' koson raginio, okou Timotius musiti' guangon mu toojo atan ayuk ondo' baalon muno. Oroton ayuk ra okou imboloon. Paugaro' noyo kandoi muno koson mampasaboi ra Tanou Moonsoi ti am pongoono' noyo ngaangai' ondo' pinalansan rirun koson ra sangulun ulipon ri Aki Kapuuno'.

IBRANI 11:36

Mokoondo' poyo inasaban am linapos, am mokoondo' binangkil am inaput.

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

IBRANI 13:23

Mambala' aku ramuyun ra pabukat takau i Timotius pinaingkual noyo intor ra lamin pangaputan. Amon ru mataki' io matong ragiti, paayaan ku io mongoi uma' ramuyun.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.