2 KORINTUS 6:18 - Tanou Moonsoi Timugon

¹⁸ Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

2 KORINTUS 6:18 ပူးပေါင်းရင်းမြစ်များ

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

2 SAMUIL 7:14

Masauk Aku ra ama' nano am masauk io ra anak Kuno. Paat ra io mambaal ra sala, mangukum Aku riso koson ra sangulun ama' mangukum ra anak nano.

PINAINTALANG 1:8

“Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

MAZMUR 22:30

Ngaangai' ulun malilimbau igugulatur Riso; ngaangai' ulun igugulatur ra saang Nano.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

PINAINTALANG 21:22

Kalo nakito ku Baloi Tuhan giu' ra bandar no, sabap ra Tuhan galama' soroi ra giu', i Aki Kapuuno' Maayo Kaga' Kuasa' am Anak Domba no.

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

1 TUNUNG RU BANSA' ISRAIL 17:13

Masauk Aku ra Ama' nano, am masauk io ra anak Kuno. Magulayun Aku moonsoi riso nontopot ra bantu' Kuno. Bantu' Kuno riso magulayun Ku guuton, am kalo koson ra binaal Kuli ri Saul ondo' inimpayan Kuli intor ra intok nali maa' raginio okou masauk ra raja'.

ROMA 8:19

Ra ngaangai' ondo' pinasauk ri Aki Kapuuno' maginaa ra guang moondom paat ri Aki Kapuuno' mampatalang osoi anak Nano.