2 KORINTUS 6:16 - Tanou Moonsoi Timugon

¹⁶ Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

2 KORINTUS 6:16 ပူးပေါင်းရင်းမြစ်များ

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

MAZMUR 90:1

Pakiasian ri Musa, ulipon ri Aki Kapuuno'. Iou Tuhan, Okou noyo intok mai sumindung, saboi ra sabuoi-buoi no.

KAINGKUALAN 20:3

“Pai' samba ra tuhan-tuhan ra bokon; samba ayuk Raki'.

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

KAINGKUALAN 25:8

Susubo' ulun raginilo mambaal Raki' ra rondo' kim matulai maa' raginio makaayan Aku risilo.

KAINGKUALAN 29:45

Mayan Aku sumimpung ra ulun ru Israil, am masauk Aku ri Aki Kapuuno' nilo.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 36:28

Mayan kau boo ra pagun ondo' tinaakan Kuno ra kinamatuaan mini. Akau masauk ra ulun Kuno, am Aku masauk ri Aki Kapuuno' min.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

YEHEZKIEL 43:9

Raino musiti' ilo lumonggo' sumamba ra sinungkalalaing am mapabanding ra baangkai ru raja'-raja' nilo. Amon ru baalon nilo ginio, mayan Aku ra tatanga' nilo ra sabuoi-buoi no.”

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

LUKAS 5:36

Tunungo' boo ri Jisus risilo abig ragitio: “Kolondo' sangulun pana mampaangkup ra sabinsang konoon intor ra bayang baguon ra bayang lairon. Amon ru baalon no ginio, maaru' makumbo bayang baguon no am niayuk kalo matimpok amon ru bibinsang baguon paangkupon ra bayang lairon.

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 6:56

Osoi ayuk mangakan ra inan Kutu am manginum ra raraa' Kutu, sumoroi io Raki' am Aku pana sumoroi riso.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

ROMA 8:9

Kaa' akau no kalo maayag maya' ra paliso ru ulun, kaa' maya' ra Ambiluo ri Aki Kapuuno' – amon ru totopot Ambiluo ri Aki Kapuuno' no maningganai ramuyun. Osoi ayuk kolondo' ra Ambiluo ri Kristus, io no sala' ka i Kristus tatangan.

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

1 KORINTUS 10:21

Pai' kau panginum ra anggur intor ra sangkir ru Tuhan am niayuk manginum poyo ra atan ondo' nakapakan ra riwato no. Nogondo' niayuk ra akau pai' pangapu ra inan ri Kristus am niayuk mangakan poyo ra ondo' nakapakan ra riwato no.

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

IPISUS 2:22

Ralalom pasimpungan min ri Kristus, akau niayuk nababaya' ra ngaangai' ulun ra bokon pasaukon ra baloi ri Aki Kapuuno', ioginio randanan ru Ambiluo Nano.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

SAGULION 5:7

‘Pai' samba ra tuhan-tuhan ra bokon; samba ayuk Aku.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

2 TIMOTIUS 1:14

Mabaya' ra indangan ru Ambiluo ri Aki Kapuuno' ondo' maayag ra ralalom takau, rayuso' noyo toojo kandoi moonsoi ondo' pinalansan rirun.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 JUANIS 4:12

Kolondo' sangulun pana nakakito ri Aki Kapuuno'. Kaa' amon ru motogom takau ra rondo' am bokon, sumimpung i Aki Kapuuno' ritakau am togom Nano tumilayun ritakau.

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

PINAINTALANG 2:1

“Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.