2 KORINTUS 6:14 - Tanou Moonsoi Timugon

¹⁴ Pai' kau pakimaguyu ra ulun ondo' kalo mangintopot ra Tuhan. Ginio kalo noyo matanda'. Sabap ra ati kulaan katapatan masimpung ra kalaatan? Kapoam sinda magapu ra kalandaman?

2 KORINTUS 6:14 ပူးပေါင်းရင်းမြစ်များ

1 KORINTUS 15:33

Pai' kau karuung ru ulun. Pangkubayawan ra malaat mampakalaat ra paliso moonsoi.

1 KORINTUS 10:21

Pai' kau panginum ra anggur intor ra sangkir ru Tuhan am niayuk manginum poyo ra atan ondo' nakapakan ra riwato no. Nogondo' niayuk ra akau pai' pangapu ra inan ri Kristus am niayuk mangakan poyo ra ondo' nakapakan ra riwato no.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

IMAMAT 19:19

“Gagaya' no ra susuban Kuno. Pai' pampaano' ruo salinut bibiag ondo' kalo nogondo'. Pai' panias ra ruo salinut ru sampug giu' ra rondo' umo. Pai' pambayang ra bayang ondo' binaal intor ra ruo salinut ru banang.

1 KORINTUS 5:9

Ralalom ru surat kuli ragili, nambala' aku ramuyun koson kalo lumatok ra ulun mansawa'.

MAZMUR 106:35

Kaa' natagandu' ilo piboo ra bansa'-bansa' raginio; am nanilu ra kaayagan ru ulun ondo' kalo makaulig ri Aki Kapuuno'.

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

AMSAL 22:24

Pai' pangkimangkubayau ra ulun mataki' sumangit am mataki' angitan.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

MALIAKI 2:11

Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

AMSAL 29:27

Ulun moonsoi masisang ra ulun malaat; ulun malaat pana masisang ra ulun moonsoi.

MAZMUR 119:63

Kumubayau aku ra ngaangai' ulun ondo' gumagaya' Rirun no, ngaangai' ulun ondo' gumagaya' ra panusuban Muno.

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

1 KORINTUS 7:39

Sangulun ruandu' ra makaralaki musiti' masimpung riso buoi ru ralaki no maayag. Kaa' malupus ralaki nano matoi, ruandu' no makapangindalaki poyo ra osoi ayuk kasagaan no; kaa' musiti' no ulun Kristian.

KAINGKUALAN 34:16

Anak ungkuyon mino maaru' maguot ra anak ruandu' nilono, ondo' mangkinibit ra anak ungkuyon mino kalo boo gumagaya' Raki', am sumamba ra tuhan ra bokon.

MAZMUR 16:3

Mapara' bobonsoi ru ulun ondo' mampagagaya' ri Aki Kapuuno'! Gumogot aku toojo mababaya' risilo.

IJRA 10:19

Nambantu' ilo mangali ra andu'-andu' nilo, am ilo pana nampataak ra sanginan domba gawayan koson ra taak simbalui koson mangampun ra tula.

2 TUNUNG RU BANSA' ISRAIL 19:2

Sangulun nabi ininggalanan ri Jigu anak ri Ganani, minongoi uma' ra raja' am indagu riso, “Musiti' kou kia mangindangan ra ulun malaat am magibaya' ra ulun ondo' manggal ra Tuhan? Binaal muno mangkinibit ra Tuhan sumangit rirun.

RINALATAN 4:23

Pakalabus ayuk i Pitrus am i Juanis, saguli' ilo ra rangan nilai am tunungo' boo ngaangai' ondo' rinagu ru tingganai imam Jaudi am tingganai ru ulun ru Jaudi.

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

1 KORINTUS 6:6

Kaa' pinoloso min ayuk ulun Kristian mantatagi' ra rondo' am bokon giu' ra makama, am ulun sala' ka Kristian no boo manalasai risilo.