2 KORINTUS 5:6 - Tanou Moonsoi Timugon

⁶ Ginio ra masalok akai kalo malaa'. Nakapandai akai ra buoi mai mayan ra inan ti, maalur akai intor ra ayanan ru Tuhan.

2 KORINTUS 5:6 ပူးပေါင်းရင်းမြစ်များ

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 39:12

Inukum Mu tula ru ulun ra sawai Muno, am koson ra anai, namuso Kou ra kasagaan nilo. Sotopot no kaayagan ru moonong ulun koson ayuk ra mapaabus ra paminawaan ayuk.

AMSAL 14:26

Urumat am malaa' ra Tuhan manaak ra sasangulun am niayuk ilo sasambaloi ra kaintapatan am kaayagan moonsoi.

JISAYA 30:15

Tuhan Raja', i Aki Kapuuno' ru Israil, i Aki Kapuuno' ondo' matulai, mindagu ra ulun Nano, “Saguli' kano Raki' am pangintopot kano Raki' ralalom kalinuos ru guang. Akau pana ikangon Ku am bayagon Ku.” Kaa' kalo masaga' kau.

JISAYA 36:4

Pagawai ru Asyur no minindagu risilo, “Posoboyo' noyo ragu ru raja' Asyur no ra Raja' Gijkia, ‘Kua pangkara' kau ra akau maikang?

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

IBRANI 10:35

Intor raginio, pai' polosoo' pangintapatan mino lumawo, sabap ra maayo ampos nano.

IBRANI 11:13

Ngaangai' ulun raginio nampaguut ra pangintapatan saboi ra ilo minatoi, kabalu' ra kalo nokoowot ra atan ondo' binantu' ri Aki Kapuuno' risilo. Nakito ilo intor ayuk ra maalur am apuo' nilo. Ginio ra nangiou ilo ra giti ra tana' ti, ilo ti ulun bansa' ru bokon ondo' kolondo' intok karandanan galama'.

IBRANI 13:14

Sabap ra giti ra tana' ti itakau kolondo' pagun randanan, kaa' sotopot no maguyum takau poyo ra randanan ondo' matong no.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

PINAINTALANG 1:9

Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.