2 KORINTUS 5:4 - Tanou Moonsoi Timugon

⁴ Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.

2 KORINTUS 5:4 ပူးပေါင်းရင်းမြစ်များ

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 38:12

Painawo kuno naukat, paminawaan pupus paabuson ku, koson ra kim ru mantatamung pinurun, koson ra konoon linompor intor kuliamos ru pambaalan ra konoon. Indos ku pupusin ri Aki Kapuuno' bayag kuno.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

1 KORINTUS 15:51

Rongogo', balain takamin ondo' kalo igondo' pinabala': Kalo ngaangai' takau matoi, kaa' pulali' kon ayuk itakau kulawon.

2 KORINTUS 5:2

Buoi itakau mayan ra tana' ti, manguang takau sabap ra ondom takau mongoi ra ayanan takau giu' ra suruga'.

2 KORINTUS 5:3

Sabap ra paat takau soroi ra giu' no, makainan takau boo ra nakabagu.

2 PITRUS 1:13

Buoi ra aku maayag, moonsoi niayuk ru mampakara' aku ramuyun intor ra baal raginii.