2 KORINTUS 5:19 - Tanou Moonsoi Timugon

¹⁹ Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

2 KORINTUS 5:19 ပူးပေါင်းရင်းမြစ်များ

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

1 KORINTUS 13:5

Kalo makuliga' io, kalo maguyum ra kaatangan galama', kalo mataki' angitan am kalo malikokot io ra ulun.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.