2 KORINTUS 5:12 - Tanou Moonsoi Timugon

¹² Kalo makiompor akai poyo ramuyun, kaa' mangani' akai ayuk ramuyun ra sasaban moonsoi, maa' raginio maansukan kau ramon. Makapandai kau boo tumaam ra ulun ondo' mampakaatang ra bulos ru ulun ayuk am sala' ka bonsoi ru guang.

2 KORINTUS 5:12 ပူးပေါင်းရင်းမြစ်များ

AMSAL 27:2

Polosoon ulun ra bokon mongompor ramuyun – kapoam ulun suai. Pai' pagiompor ra inan galama'.

2 KORINTUS 1:14

Maa' raginio, paat ra Orou ru Tuhan Jisus matong saguli', maringkuanang kau ramon, koson akai pana maringkuanang ramuyun.

2 KORINTUS 10:12

Motopot noyo ra kalo makimogondo' akai ra kaayagan mai ra ulun, ondo' mangkara' ra ilo ayuk maatang kaga'. Sasambungon ulun raginilo! Mitutuku' ilo ra tutuku' binaal nilo galama'.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

2 KORINTUS 10:7

Akau mangakim maya' ra ondo' makito min ayuk. Osoi ayuk makaliman ra io galama' i Kristus tatangan, moonsoi ra mangkara' io niayuk ra akai ti pana i Kristus tatangan, mogondo' riso.

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 3:1

Morongog min kia koson akai lumimbau poyo? Kapoam musiti' akai kia mampakito ramuyun ra surat pangiawan, kapoam makitaak raginio intor ramuyun, koson kitaakon ru ulun ra bokon?

2 KORINTUS 6:4

Kaa' ralalom ru ngaangai' baalon mai, mampakito akai ra ulipon akai ri Aki Kapuuno', ra ati kulaan mongorot ra nansalinut kapaganan ra guang mataan:

PILIPI 1:26

Am koson boo raginio, paat ra aku mongoi poyo ramuyun, mulu' poyo kinasuang ru paringkuanangan min sabap ra indangan kutu, ondo' nagibit noyo ramuyun makasimpung ri Jisus Kristus.