2 KORINTUS 4:9 - Tanou Moonsoi Timugon

⁹ Masuang makimantula' ramon, kaa' kalo igondo' akai iruani' ri Aki Kapuuno'. Kabalu' pana magail akai ayuk pampasin, kaa' kalo noyo maluus akai.

2 KORINTUS 4:9 ပူးပေါင်းရင်းမြစ်များ

AYUP 22:29

Ulun ondo' lumimbau paingganaan ri Aki Kapuuno', kaa' ondo' minggana' guang bayagon No.

MAZMUR 129:2

“Intor poyo ra kinamuloko' kuli, pantula' kuno nangimbolo' toojo raki', kaa' kalo maalap nilo aku ra kala.

MAZMUR 22:1

Ra tingganai ru santimungan maririmbai. Sumugut ra rimbai: Tambang bulintok ra susuab ti. Mazmur ri Daut.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 42:5

Makuliagai guang kuno amon karaan orou ra nakasail, bulintok ra aku nakapasumbaya' ra ulun masuang minongoi ra Baloi ru Tuhan, am minugar aku ra siminigulu risilo, magilakup am marimbai ra rimbai mongompor.

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

AMSAL 24:16

Kabalu' pana ulun mabanis guang ruruli' maratu', tumirong ilo saguli'. Kaa' ulun malaat matutuk ru karaat.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 62:4

Kalo boo sabiton kou “Ondo' Tinatang”, pagun muno kalo boo sabiton “Ondo' Masilukan”. Kaa' sabiton kou “Ondo' Tagamin ri Aki Kapuuno'”, pagun muno sabiton “Ondo' Nakapaguot” sabap ra Tuhan maansayan rirun, am masauk koson ra ralaki ru pagun muno.

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

ROMA 8:35

Mokoondo' kia makapanginga' ri Kristus monogom ritakau? Kapaganan kia? Pagalabaan kia? Kaimbalaan kia? Bitilan kia? Kunsikang kia? Baal makalalaa' kia? Kapoam kapatayan kia? Maaru' kolondo'!

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

2 TIMOTIUS 3:12

Sotopot no, ngaangai' ulun ondo' masaga' gumagaya' am sumimpung ri Jisus Kristus, makatuum niayuk ra kaimbalaan.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”