2 KORINTUS 4:8 - Tanou Moonsoi Timugon

⁸ Magail akai ayuk imboloon, kaa' moorot mai niayuk. Maimamang akai, kaa' kalo masaboi malawo guang maino.

2 KORINTUS 4:8 ပူးပေါင်းရင်းမြစ်များ

MAZMUR 129:2

“Intor poyo ra kinamuloko' kuli, pantula' kuno nangimbolo' toojo raki', kaa' kalo maalap nilo aku ra kala.

MAZMUR 37:33

kaa' Tuhan kalo mapataak risilo ra pantula'-pantula' nilo kapoam mopoloso risilo ukumin paat ra ilo salasayon.

AMSAL 14:26

Urumat am malaa' ra Tuhan manaak ra sasangulun am niayuk ilo sasambaloi ra kaintapatan am kaayagan moonsoi.

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

JUANIS 14:18

Kalo manatang Aku ramuyun koson ra anak napatayan ra matuo. Kaa' sumaguli' Aku po ramuyun.

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

2 KORINTUS 6:12

Kalo liminonggo' akai motogom ramuyun, kaa' liminonggo' kau motogom ramon.

2 KORINTUS 6:4

Kaa' ralalom ru ngaangai' baalon mai, mampakito akai ra ulipon akai ri Aki Kapuuno', ra ati kulaan mongorot ra nansalinut kapaganan ra guang mataan:

2 KORINTUS 7:5

Paat ra akai nakasaboi ra pagun Makidonia kolondo' tangus mai, sabap ra ati-ati ayuk makakapaganan: mokoondo' mantataam ramon am guang mai galama' pana malaa'.

GALATIA 4:20

Moogot toojo guang kutu koson sumimpung ramuyun raino, maa' raginio kalo boo maraguan takamin ra masingat, sabap ra maimamang aku toojo ramuyun!

1 SAMUIL 28:15

Kon ri Samuil ra Raja' Saul, “Kua ulisoo' mu aku am nampiau saguli' raki'?” Taam Raja' Saul, “Aku ti ralalom ru kapaganan maayo! Ulun-ulun ru Palistin mamulunsar raki', am i Aki Kapuuno' no nangiruan noyo raki'. Kalo boo tumaam Io raki', iou kia pinabala' galing ra nabi kapoam inupi. Ginio sabap ra aku nampiau rirun, maa' raginio mambala' kou raki' ra atan musiti' kuno baalon.”

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.