2 KORINTUS 4:16 - Tanou Moonsoi Timugon

¹⁶ Ginio sabap ra akai kalo malawo guang. Kabalu' pana inan maiti mapuso, kaa' guang mai talimbaguin ra moonong orou.

2 KORINTUS 4:16 ပူးပေါင်းရင်းမြစ်များ

MAZMUR 119:81

Iou Tuhan, noondom aku no kaga' ra pamayagan Muno; mangintopot aku ra bantu' Muno.

MAZMUR 27:13

Malansan aku ra matutunan ku kinoonsoi ru Tuhan ralalom kaayagan ku ra tana' ti.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

MAZMUR 73:26

Iou pana salibuor kuno malawo, Okou noyo kaikangan kuno, iou Aki Kapuuno'; Okou ayuk longgom kuno ra sabuoi-buoi no.

JISAYA 40:29

Paikangon No ulun ra lamumu', am manaak ra kaikangan ru ulun ondo' lamuoi.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JIRIMIA 45:3

kamu, ‘Malawo aku. Rinuangan ru Tuhan kangilukan mongoi ra kapaganan kuno. Naagui aku no nampalaa'. Kalo noyo mokororo' aku.’

LUKAS 11:3

Anii' akai no ra akanon ra moonong orou.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 7:22

Maansukan guang kuno ra ukum intor ri Aki Kapuuno'.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 12:15

Maayo guang kuno mangani' ramuyun ra atan ayuk mokoondo' raki', suku' ra kaayagan kuno pana, maa' raginio makapangindangan aku ramuyun. Amon ru ginio noyo gayo ru kinotogom kuno ramuyun, kua pai' tagami' min aku toojo?

2 KORINTUS 4:1

Ginio nai kalo malawo guang mai, sabap ra ralalom ru asi' Nano nangani' i Aki Kapuuno' ramon ra kandoi ragitio.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

IPISUS 4:23

Talimbagui' min noyo guang am pangkaraan mino.

KOLOSI 3:10

Raino inanian kau ra kaayagan bagu. Akau noyo ulun bagu ondo' masalok talimbaguin ri Aki Kapuuno' koson makatilu ra paliso Nano. Arati' no makaintutun kau bagu toojo ri Aki Kapuuno'.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.