2 KORINTUS 3:8 - Tanou Moonsoi Timugon

⁸ mulu' poyo gayo ru katulayan ondo' paintalangon ru Ambiluo ri Aki Kapuuno'!

2 KORINTUS 3:8 ပူးပေါင်းရင်းမြစ်များ

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

2 KORINTUS 11:4

Nailian takamin ra maluoi kau manguma' ra osoi ayuk matong mampabala' ra i Jisus, kaa' kalo mogondo' ra atan ondo' pinatanou maili. Mangapu kau niayuk ra ambiluo am tanou moonsoi ra bokon ondo' sala' ka toojo Ambiluo ri Aki Kapuuno' am Tanou Moonsoi ondo' inapu min noyo intor ramon.

2 KORINTUS 3:17

Arati' ru ragu “Tuhan” ragitio am Ambiluo; am ati ayuk kasarayan ru Ambiluo ru Tuhan no, giu' no niayuk mokoondo' kalabusan.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

2 KORINTUS 3:7

Paat ra ukum ri Musa i tinulisan ra rondo' batu pamatikan, katulayan ri Aki Kapuuno' pana pinaintalang noyo. Kabalu' pana sinda ru katulayan ra bulos ri Musa moboot noyo, kaa' mapaang kaga' saboi ulun ru Israil kalo nokoponontong ra bulos nali. Amon ru Ukum ri Musa ondo' nangkinibit ra kapatayan no, inanian niayuk mabaya' ra katulayan maayo,

2 KORINTUS 3:9

Amon ru nabantuan ondo' nangkinibit ra pangukuman matulai noyo, mulu' poyo kinatulai ru nabantuan ondo' magibit ra ulun mobonsoi ri Aki Kapuuno'.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

GALATIA 5:5

Kaa' akai, malansan ayuk ri Aki Kapuuno' noyo mopobonsoi saguli' ramon Riso sabap ra pangintapatan mai. Ginio noyo inaanin mai ralalom ru kuasa' ru Ambiluo ri Aki Kapuuno'.

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.