2 KORINTUS 3:7 - Tanou Moonsoi Timugon

⁷ Paat ra ukum ri Musa i tinulisan ra rondo' batu pamatikan, katulayan ri Aki Kapuuno' pana pinaintalang noyo. Kabalu' pana sinda ru katulayan ra bulos ri Musa moboot noyo, kaa' mapaang kaga' saboi ulun ru Israil kalo nokoponontong ra bulos nali. Amon ru Ukum ri Musa ondo' nangkinibit ra kapatayan no, inanian niayuk mabaya' ra katulayan maayo,

2 KORINTUS 3:7 ပူးပေါင်းရင်းမြစ်များ

KASAUKAN 3:21

Ginio boo ra Tuhan i Aki Kapuuno' nambaal ri Adam am andu' nano ra bayang intor ra kungkung ru bibiag am Io pana nampabayang risilo.

NIGIMIA 9:13

Intor ra limbowon timinuun Kou ra Gunung Sinai; Minindagu Kou ra ulun Muno galama'. Nangani' Kou risilo ra ukum, aturan am susuban ondo' matimpok, motopot am mokoonong.

MAZMUR 119:174

Malansan aku ra pamayagan Muno, iou Tuhan, Ukum Muno mapabansuk ra guang kuno.

MAZMUR 119:97

Mapara' piboo togom kuno ra Ukum Muno! Moonong orou aku mangkara'.

KAINGKUALAN 24:12

Indagu boo Tuhan ri Musa, “Ratong noyo Raki' ra rasawat ru gunung. Giu' no mangani' Aku rirun ra ruo batu pamatikan. Batu raginilo noyo pamatikan Ku ra ngaangai' ukum Kuno. Mangani' Aku ra ngaangai' ukum no koson mangila' ra ulun raginilo.”

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 32:19

Pakainggaar i Musa ra nangkiman no am pakakito ra sinungkalalaing ru sapi' intor ra mas no am saliligo' mamagun, am sangit io. Giu' no lonson toojo ru gunung, pinaambang no batu pamatikan ra inibit nano saboi nopopol toojo.

KAINGKUALAN 34:1

Indagu boo Tuhan ri Musa, “Pangukir ra ruo batu pamatikan koson ragili. Ra batu pamatikan no, tulisin Ku ragu ra mogondo' am ragu ondo' soroi ra batu pamatikan ondo' kasaa', ondo' pinopol muli.

RINALATAN 6:15

Ponontong boo ngaangai' ulun ondo' minongoi ra Majlis Ugama i ri Stipanus. Am kakito nilo ra bulos nali koson ra malaikat.

ROMA 10:4

Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.

ROMA 4:15

Ukum ri Musa ti mangkinibit ayuk ra sangit am ukum ri Aki Kapuuno'; kaa' amon ru Ukum ri Musa no kalo mauligan, kolondo' niayuk kaanggalan.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

ROMA 7:10

am koson ra minatoi aku. Ukum ondo' inaru' mangani' ra kaayagan, sotopot no mangkinibit raki' ra kapatayan.

ROMA 7:22

Maansukan guang kuno ra ukum intor ri Aki Kapuuno'.

ROMA 7:5

Ra galing i kaayagan takau kinuasa' ru paliso ru ulun, am sabap ra kinibit ru Ukum ri Musa, mansalinut kasagaan makatula miningkual intor ra guang takau. Ginio noyo nangkinibit ritakau ra kapatayan.

1 KORINTUS 13:10

Kaa' paat i Aki Kapuuno' mangukop ra ngaangai' no, kapandayan ra kalo maukop raginio maliom boo.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

2 KORINTUS 3:8

mulu' poyo gayo ru katulayan ondo' paintalangon ru Ambiluo ri Aki Kapuuno'!

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:21

Gitio kia arati' ra Ukum ri Musa am binantu' ri Aki Kapuuno' mantula' boo? Sotopot no kalo noyo toojo! Sabap ra amon ru nataakan noyo rondo' ukum ugama ondo' makapangani' ra kaayagan ra ulun, am ulun boo mokopobonsoi saguli' ri Aki Kapuuno', amon ru mampagagaya' ilo ayuk ra ukum ugama no.

SAGULION 4:13

Nambala' Io ramuyun ra atan moonsoi baalon min koson sumugut ra nabantuan ondo' binaal Nano ramuyun; musiti' gagayaan min Mopor Ukum ondo' tinulisan Nano ra ruo batu tulis.

SAGULION 4:8

Kolondo' bansa' ra ati pana, kabalu' pana bansa' maayo, ondo' makaukum matanda' koson ra ukum ondo' nangilaan kuno ramuyun ra orou raiti'.

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

SAGULION 9:15

Aku pana tumuun intor ra gunung no liliwa' nagibit ra ruo batu tulis ondo' tinulisan ra nabantuan no. Apui ondo' bibilak makito giu' ra gunung no.

IBRANI 12:18

Akau sala' ka koson ra ulun ru Israil ra galing i. Ilo nakainggaar ra gunung Sinai ondo' makambong ru ulun, makaapui nanimbula', makakalandaman am poyo bagiu' mapuor ondo' nalimanan nilo.

IBRANI 3:3

Kaa' sotopot no i Jisus noyo mauli' omporon ka i Musa, koson niayuk ra sangulun manambaloi mauli' omporon ka ondo' tinambaloi nano.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.