2 KORINTUS 3:12 - Tanou Moonsoi Timugon

¹² Sabap ra makakalansanan akai raginio, makakau' akai boo mampatanou.

2 KORINTUS 3:12 ပူးပေါင်းရင်းမြစ်များ

JUANIS 10:24

Ginio ra tingganai ru ulun ru Jaudi liminimpu ri Jisus, indagu ilo Riso, “Kula' poyo buoi ru kaimamangan mai ti? Pambala' no toojo ramon; motopot kia ra Okou no Mamamayag ondo' sinusub ri Aki Kapuuno'?”

JUANIS 16:25

“Ngaangai' ti rinagu Ku ramuyun ra abig. Kaa' masaboi paat no ra kalo boo raguon Ku ramuyun ra abig, kaa' mambala' Aku toojo ramuyun ra ati kulaan i Ama' Kuno.

JUANIS 16:29

Indagu boo maamaya' Nano, “Raino mambala' Kou toojo am kalo boo magabig Kou.

RINALATAN 14:3

Rasul-rasul nabuoi niayuk minayan ra giu' i am makakau' ilo boo mampasaboi ra tanou intor ra Tuhan. Nampainono' Tuhan ra pambalaan nilo intor ra togom Nano motopot ra mangani' risilo ra kuasa' mambaal ra kaimuagan am tatandu'.

RINALATAN 4:13

Ulun ru Majlis Ugama nangimuag magilong ra kinabaani ri Pitrus am i Juanis, am poyo katutuni' nilo karuo rasul ti sala' ka ulun maatang am kolondo' sikul. Katutuni' nilo boo ruo ngaulun rasul ti rangan toojo ri Jisus.

RINALATAN 9:27

Kaa' inindangan io ri Barnabas ondo' nagibit riso paumaa' ra rasul-rasul. Tunungo' ri Barnabas risilo ati kulaan i Saulus nakakito ra Tuhan ra tanga' ru ralan am ati kulaan Tuhan minindagu riso. Nambala' io niayuk ra ati kulaan i Saulus makakau' toojo nampasaboi ra Tanou Moonsoi intor ri Jisus giu' ra Damsyik.

RINALATAN 9:29

Nakimantaam io niayuk ra ulun ru Jaudi ondo' mindagu ra ragu ru Junani, am nangkinam ilo poyo mamatoi riso.

1 KORINTUS 14:19

Kaa' paat ra aku mangila' ra pasimpungan ulun Kristian, moonsoi poyo ru mindagu aku limo ragu ayuk pana ondo' maratian ru ulun intor ra kukula' ngaribu ragu ralalom ragu imuagan.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 3:11

Sabap ra amon ru atan ondo' nalulu' i makakatulayan noyo, mulu' poyo katulayan ru Nabantuan Bagu ondo' mantilayun no.

2 KORINTUS 4:13

Tinulisan noyo ra Buuk Kitab, “Mindagu aku sabap ra mangintopot aku ri Aki Kapuuno'.” Akai pana makapangintapatan koson raginio, ginio nai ra akai makaindagu.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

PILIPI 1:14

Am sabap ra kinibit ra aku inaput ti, masuang boo ulun Kristian intor ra bandar ragitio mangintopot poyo toojo ra Tuhan, saboi mulu' ilo poyo makakau' mampasaboi ra bala' Nano ra kolondo' kalaanan nilo.

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

KOLOSI 4:4

Pakiasi' kano maa' raginio maalap ku pakasalula' tanou ragitio koson maratian boo ru ulun.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 TIMOTIUS 3:13

Mangingindangan ra mapandai makaalap ra inggalan moonsoi am makakau' ilo mampatanou ra pangintapatan nilo intor ri Jisus Kristus.

PILIMON 1:8

Kabalu' pana mokoondo' aku ra kuasa' intor ri Jisus Kristus koson manusub rirun ra ati rondo' sotopot no moonsoi baalon muno, kaa' kalo noyo.