2 KORINTUS 3:1 - Tanou Moonsoi Timugon

¹ Morongog min kia koson akai lumimbau poyo? Kapoam musiti' akai kia mampakito ramuyun ra surat pangiawan, kapoam makitaak raginio intor ramuyun, koson kitaakon ru ulun ra bokon?

2 KORINTUS 3:1 ပူးပေါင်းရင်းမြစ်များ

RINALATAN 18:27

I Apolos pana makaguang boo mongoi ra Akaya. Ginio ra ulun Kristian ra Ipisus nanulis ra surat posoboyon ra ulun Kristian ra Akaya koson ra apuon nilo i Apolos ti. Pakasuku' ra giu' i, pangindanganan nali totopot mokoonong ra ulun Kristian, ondo' ralalom ru kataawan ri Aki Kapuuno' nangintopot ri Jisus.

ROMA 16:1

Giti masaga' aku mampaulig ramuyun ra pabukat takau ra i Pibi, ondo' mangindangan ra pasimpungan ulun Kristian giu' ra bandar Kingkiria.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 KORINTUS 16:3

Ginio ra paat ra aku mokoongoi ramuyun, poongoyon ku ulun ondo' kalansanin min ra bandar Jirusalim, mabaya' ra surat pangiawan am ruit paindanganon min.

1 KORINTUS 3:10

Maya' ra kapintaran ondo' pinataak ri Aki Kapuuno' raki', aku noyo nambaal ra turungan ru lugu' am ulun boo ra bokon manunggul panambaloi. Kaa' musiti' pagilalain ru moonong ulun ati kulaan io manunggul ra kandoi ti.

1 KORINTUS 4:15

Sabap ra kabalu' pana akau mokoondo' lair mopor ngaribu ngaulun mangingila' ra Kristian, kaa' sangulun ayuk ama' min. Ginio ra ralalom kaayagan mino koson ra sangulun Kristian, aku noyo ama' min, sabap ra aku no nampabala' ramuyun ra Tanou Moonsoi ri Jisus Kristus.

2 KORINTUS 10:12

Motopot noyo ra kalo makimogondo' akai ra kaayagan mai ra ulun, ondo' mangkara' ra ilo ayuk maatang kaga'. Sasambungon ulun raginilo! Mitutuku' ilo ra tutuku' binaal nilo galama'.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 12:19

Pabukat ondo' tagamin ku, indoson min lair ra buoi ti nagisaung akai ramuyun. Makapandai i Aki Kapuuno' ra ngaangai' ondo' rinagu mai gumagaya' niayuk ra kasagaan ri Kristus, am ngaangai' ondo' binaal mai koson mampasingkot ramuyun.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 5:12

Kalo makiompor akai poyo ramuyun, kaa' mangani' akai ayuk ramuyun ra sasaban moonsoi, maa' raginio maansukan kau ramon. Makapandai kau boo tumaam ra ulun ondo' mampakaatang ra bulos ru ulun ayuk am sala' ka bonsoi ru guang.