2 KORINTUS 2:7 - Tanou Moonsoi Timugon

⁷ Raino akau musiti' mangampun riso am paikango' min io, maa' raginio kalo mangiluk guang no suku' mairu' kalansanan nano.

2 KORINTUS 2:7 ပူးပေါင်းရင်းမြစ်များ

MAZMUR 124:3

magu' imataan takau ayuk tolonon sabap ra sangit nilono masimbula' toojo;

MAZMUR 21:9

Ngaangai' pantula' nano rokopon ru raja' no; rokopon ru raja' no ngaangai' ulun ondo' masisang riso.

MAZMUR 57:3

Ri Aki Kapuuno' Ondo' Masawat Kaga' piawon ku, Io noyo i Aki Kapuuno' ondo' nakapandai ra kasagaan kuno.

AMSAL 1:12

Raino kaayagan nilo matasu' am kolondo' maruol, kaa' pupus no masauk ilo koson ra ulun matikapatoi.

AMSAL 17:22

Guang ondo' makaansuk mapaligag ra inan; guang ra mangiluk mapakapalo ra guang.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

1 KORINTUS 15:54

Paat ra ondo' mapuso no maaligan ra mantilayun, ioginio ondo' matoi maaligan ra kalo matoi, am masugut boo ragu ru Buuk Kitab ra, “Kapatayan mapuso noyo; namanang noyo i Aki Kapuuno'.”

2 KORINTUS 2:8

Ginio ra makitaak aku ramuyun; pakitono' min io ra akau topot-topot motogom riso.

2 KORINTUS 5:4

Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.

2 KORINTUS 7:10

Sabap ra ngiluk ru guang koson raginio noyo magibit ra pangkulawan ru guang am pamayagan – am kalo pana pansagulian raginio. Kaa' guang mangiluk ondo' sumugut ayuk ra kasagaan ru ulun, mangkinibit ra kapatayan.

IPISUS 4:32

Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

PILIPI 2:27

Motopot ra bagu ti narualan io am mamaar noyo matoi, kaa' makaasi' i Aki Kapuuno' riso am sala' ka io ayuk kaa' aku niayuk, koson kalo boo gumaai kasilukan ru guang kuno.

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

2 TISALONIKA 3:6

Pabukat ku ngai', ralalom inggalan ru Tuhan Jisus Kristus, manusub akai ra inggalur kano ra ulun Kristian ondo' mangatiar, koson kalo maya' ra pangilaan ondo' pinaatak maili risilo.