2 KORINTUS 2:3 - Tanou Moonsoi Timugon

³ Ginio nai ra tinulisan ku ramuyun koson raginio, sabap ra marara' aku mongoi ramuyun am pangilukon guang kutu ru ulun ondo' sotopot no mapakaansuk raki'. Sabap ra mangintopot aku toojo ra ondo' kaansukan kuno am kaansukan min niayuk.

2 KORINTUS 2:3 ပူးပေါင်းရင်းမြစ်များ

1 KORINTUS 4:21

Ati kia rondo' kasagaan min? Masaga' kau kia ra aku mongoi panangit ramuyun kapoam mongoi pangila' ra molomoi am makaasi'?

2 KORINTUS 1:15

Sabap ra ikang ru kalansanan ku raginio, nangatang aku no mongoi uma' galing ramuyun, maa' raginio mainduaan kau kabarakat.

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 2:9

Ginio nai puun ru surat kuli ra masaga' aku mangkinam ramuyun, koson masalok kau kia mampagagaya' ra panusuban kuno.

2 KORINTUS 7:12

Ginio ra kabalu' pana natulisan ku noyo surat i, sala' ka koson ra kaatangan ru sangulun makatula i ayuk, kapoam ra ulun ondo' sininduol i ayuk, kaa' koson kaatangan min niayuk. Maa' raginio makatutun kau ra saang ri Aki Kapuuno' ati kulaan kinotogom min ramon.

2 KORINTUS 7:16

Maansukan aku toojo sabap ra makakalansanan aku ramuyun ralalom ngaangai' baal.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

2 KORINTUS 7:8

Kabalu' pana surat kuli nampangiluk ra guang min, kalo pansagulian guang kuno ra tinulisan kuli. Kaa' sotopot no pansagulian niayuk guang kuno paat ra natutunan ku ra mangiluk guang min sabap ra kinibit ru surat kuli, kabalu' pana sangkinolor ayuk.

2 KORINTUS 8:22

Mokoondo' sangulun poyo pamarangan mai ri Titus, ondo' ingkukula' mai noyo kinami' ra nansalinut baal am makito toojo kinapirot ru guang nati mangindangan. Mulu' poyo boo raino, sabap ra ikang ru kinalansan nano ramuyun.

GALATIA 5:10

Kaa' lakat aku po mangintopot ra ralalom ru Tuhan kalo boo kumulau guang mino. Osoi ayuk pana ulun ondo' mampajajou ramuyun no, maaru' ukumin io ri Aki Kapuuno'.

2 TISALONIKA 3:4

Am mangintopot akai toojo ra Tuhan ra atan ondo' pinabala' maili ramuyun, baalon min niayuk am rayusin min poyo.

PILIMON 1:21

Tinulisan tokou ra surat ti sabap ra mangintopot aku ra suguton mu niayuk kitaakon kutu. Am napandayan ku ra mulu' poyo baalon muno.