2 KORINTUS 13:5 - Tanou Moonsoi Timugon

⁵ Kinami' min noyo guang mino koson magilong ra mangintopot kau kapoam kalo. Maaru' nakapandai kau ri Jisus Kristus soroi ramuyun, ondo' ak am ru kalo boo mangintopot kau.

2 KORINTUS 13:5 ပူးပေါင်းရင်းမြစ်များ

MAZMUR 119:59

Karaan ku binaal kuno, am mambaal ra bantu' gumagaya' ra panusuban inatang Muno.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 26:2

Pangimumui no raki', iou Tuhan, am kinami' aku no, imonolo' toojo guangon kuno am pangkaraan kuno.

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

SULABOI 3:40

Ibok no tutuno' takau kaayagan takau, am saguli' no ra Tuhan.

YEHEZKIEL 18:28

Nakaliman io ra kasalaan nano am longgo' nambaal ra tula. Ginio ra kalo matoi io kaa' maayag.

AGAI 1:5

Ilai' noyo atan ondo' nasauk ramuyun!

AGAI 1:7

Kalo kia nakaliman kau kua kasauk ngaangai' baal raginio?

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 15:4

Rondon kano Raki' am Aku pana rumondon ramuyun. Pango kalo noyo makapangkawa' amon ru kalo soroi ra puun no. Mogondo' niayuk ramuyun, kalo makapangkawa' kau amon ru kalo rumondon Raki'.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 17:26

Pinaintutun Tokou no risilo, am rayuson Ku poyo ginio; maa' raginio rumondon risilo togom Muno Raki' am Aku pana masimpung risilo.”

JUANIS 6:56

Osoi ayuk mangakan ra inan Kutu am manginum ra raraa' Kutu, sumoroi io Raki' am Aku pana sumoroi riso.

JUANIS 6:6

Minindagu i Jisus koson raginio sabap ra masaga' Io mangkinam ri Pilipus; kaa' Io galama' nakapandai ra atan ondo' saukon No ra maagu no.)

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 8:10

Kaa' amon ru i Kristus sumimpung ramuyun, kabalu' pana inan mino maaru' matoi sabap ra tula, bayagon kau ru Ambiluo ri Aki Kapuuno', sabap ra mobonsoi kano saguli' ri Aki Kapuuno'.

1 KORINTUS 11:28

Ginio ra moonong ulun musiti' galing mangimumui ra baal ru guang nano galama', bagu no makaakan ra ruti' am makainum intor ra sangkir no.

1 KORINTUS 11:31

Kaa' amon ru mangimumui takau galing ra baal ru guang takau, kalo boo akimin takau ri Aki Kapuuno'.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

1 KORINTUS 6:15

Nakapandai kano ra inan mino koson ra santayaran ru inan ri Kristus. Ginio poyo, moonsoi kia ru alapon santayaran ra inan ri Kristus no am pasimpungo' ra ruandu' mantalan ra inan? Kalo, kalo noyo toojo.

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

1 KORINTUS 6:2

Kalo kia nakapandai kau ra ulun ri Aki Kapuuno' mangakim ra ulun ru tana' ti ra tauli no? Amon ru akau no mangakim ra ulun ru tana' ti, maaru' masalasai min baal ra kalo kula' maatang koson raginio?

1 KORINTUS 9:24

Pabukat kau, maaru' nakapandai kano ra ralalom pagugulaan masimbul, moonong ulun ondo' maya' raginio masimbul, kaa' sangulun ayuk mokoowot ra taak kamanangan. Pasimbul kano koson riso, saboi mokoowot kau ra taak raginio.

1 KORINTUS 9:27

Intor raginio, pantataanin ku kaayagan kutu suku' manguasa' aku ra ngaangai' kinibit no. Binaal ku ginio sabap ra malaa' aku ra kabalu' pana aku mangkimait ra bokon maya' ra pagigilayan ti, kaa' pupus aku piboo impayin.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

GALATIA 4:19

Anak-anak ra tagamin ku! Mapara' boo imamang kuno ramuyun sabap ra paliso ri Kristus kalo poyo norondon toojo ra guang min. Gitio koson ra ruol ru sangulun ruandu' matipaganak.

GALATIA 6:4

Moonong sigagama' musiti' ilain toojo ra paliso nano galama'. Amon ru moonsoi paliso no, bagu no maansukan io ra atan kandoi nano, am kalo pana makimogondo' ra bokon,

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 2:19

Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

1 TIMOTIUS 2:15

Kaa' ruandu' pana bayagon ra io maganak, amon ru magulayun io mangintopot, motogom ra ulun bokon, mapasau guang am makapaliso ondo' sama' bayaan.

2 TIMOTIUS 3:8

Mogondo' ra i Janis am i Jambris minanggal ilo ri Musa ra galing i, koson niayuk ulun raginio manggal ilo ra pangilaan motopot. Kalo matanda' pangkaraan nilo am pangintapatan nilo pana kolondo' onong.

TITUS 1:13

Motopot tupo kaintutunan nali. Ginio sabap ra sawayo' noyo toojo ilo, maa' raginio pangintapatan nilai ti kalo makalayau.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

TITUS 2:2

Ragui' noyo ungkuyon matutuo maa' raginio mapintar, tumanda' am mongorot. Musiti' ilo ti mangintopot ra Kristus, motogom am poyo mataan guang.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

IBRANI 6:8

Kaa' amon ru sakot am kusingan boo patuwon no, tana' no kolondo' onong am ibatin lair ri Aki Kapuuno' koson ra pusoon solobo'.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

1 PITRUS 5:9

Gulaa' io no mabaya' ra kinaikang ru pangintapatan min, sabap ra nakapandai kano ra pabukat min ra Kristian ra tikop-tikop ru tana' ti maimbolo' niayuk mogondo' ramuyun.

PINAINTALANG 2:5

Karaa' noyo ra kalo boo motogom kau! Talikur kano intor ra tula mino am baalo' noyo atan ondo' binaal min ra talimpuun i. Amon ru kalo tumalikur kau, matong Aku ramuyun am mangiru' ra tampakan ra lampung mino.