2 KORINTUS 13:4 - Tanou Moonsoi Timugon

⁴ Kabalu' pana malawo Io paat ra Io sinalip, kaa' raino naayag Io po sabap ra kuasa' ri Aki Kapuuno'. Ralalom pasimpungan mai Riso pana makaliman akai ra malawo, kaa' paat ra akai makauma' ramuyun, akai pana maayag sabap ra kuasa' ri Aki Kapuuno', mogondo' ri Kristus.

2 KORINTUS 13:4 ပူးပေါင်းရင်းမြစ်များ

JUANIS 10:18

Kolondo' sangulun pana makapamatoi Raki' amon ru kalo iowon Ku. Maya' ra kasagaan Kuno galama' mampataak Aku ra painawo Kuno. Makakuasa' Aku mampataak ra painawo Kuno am maayag saguli'. Ginio noyo nanusuban Raki' ru Ama' Kuno.”

RINALATAN 2:36

“Ginio ra ngaangai' ulun ru Israil musiti' makapandai ra i Jisus ondo' sinalip mini, Io noyo ondo' sinauk ri Aki Kapuuno' ra Tuhan am Mamamayag!”

RINALATAN 3:16

Ra kuasa' ri Jisus ulun kalo makalulu' ti pinaligag. Atan ondo' makito am matainuan min nasauk sabap ra nangintopot io ri Jisus am kuasa' Nano. Sabap ra ulun ti nangintopot ri Jisus, nababas io, koson ra nakito min galama'.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

ROMA 14:9

Ginio ra i Kristus minatoi am naayag saguli' koson masauk ra Tuhan ru ulun maayag am ulun namagatoi.

ROMA 6:4

Paat ra itakau riniu', ginio noyo koson ra itakau pana linobong mabaya' Riso am magapu ra pinatayan Nali. Maa' raginio, mogondo' ri Kristus binayag intor ra kapatayan ralalom ru kuasa' matulai ri Ama', koson niayuk itakau makaili' ra kaayagan bagu.

1 KORINTUS 1:25

Sabap ra ondo' karaan ayuk koson ra sambung ri Aki Kapuuno', sotopot no mapintar toojo ka kapintaran ru ulun; am pinatayan ri Kristus ondo' ilain ayuk ra kalawaan ri Aki Kapuuno', sotopot no maikang toojo ka ikang ru ulun.

1 KORINTUS 15:43

Paat ra io lobongon, baal ru inan no mapasa' am malawo; kaa' paat ra bayagon saguli', baal ru inan no moonsoi am maikang.

1 KORINTUS 2:3

Gili boo ra aku soroi ramuyun, malawo guang kuno am nalaa' aku toojo saboi nonontol.

1 KORINTUS 6:14

I Aki Kapuuno' namayag saguli' ra Tuhan Jisus intor ra kapatayan, mogondo' niayuk ritakau ra bayagon No saguli' ralalom ru kuasa' Nano.

2 KORINTUS 10:10

Mokoondo' mindagu ra, “Surat-surat ri Paulus malarom am moporos, kaa' paat ra io mokosoroi ritakau, malawo ulun no am ragu nano pana kalo sama' iningon.”

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

PILIPI 3:10

Am raino rorondo' ayuk gogoton kutu, ioginio maayag mintutun ri Kristus am makaliman ra kuasa' ondo' namayag Riso intor ra kapatayan, am masaga' poyo imboloon am potoyon koson Riso.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.