2 KORINTUS 13:10 - Tanou Moonsoi Timugon

¹⁰ Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 13:10 ပူးပေါင်းရင်းမြစ်များ

1 KORINTUS 4:21

Ati kia rondo' kasagaan min? Masaga' kau kia ra aku mongoi panangit ramuyun kapoam mongoi pangila' ra molomoi am makaasi'?

1 KORINTUS 5:4

Amon matitimung kau, karaa' min ayuk koson ra soroi aku ramuyun mabaya' ra kuasa' ru Tuhan takau i Jisus.

2 KORINTUS 10:2

koson kalo mangkinibit raki' malasang ragu ku ramuyun paat ra aku matong ra maagu no. Sabap ra totopot saukon ku niayuk ginio ra ulun ondo' mindagu ra kiralan ru kaayagan mai sumugut ra ulun ru tana' ti.

2 KORINTUS 10:4

Kinandoi mangayou ondo' ibiton mai ra pangayawan, sala' ka intor ra tana' ti, kaa' intor noyo ri Aki Kapuuno' ondo' makakuasa'. Am kinandoi mangayou ti noyo makapamuso ra kinaikang ru pantula'. Mompolonggo' akai ra pantataaman

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

2 KORINTUS 13:2

Paat ra aku minongoi ramuyun ra kainduo i, nampakara' aku toojo ramuyun ngaangai' ra mangukum aku risilo ondo' kalo lumonggo' mambaal ra tula. Raino maalur aku ramuyun, kaa' sagulio' ku poyo, paat ra aku makasuku' ra kaintalu ti kolondo' makapagiru' intor ra pangukuman.

2 KORINTUS 13:8

Sabap ra kalo makaanggal akai ra katapatan no, kaa' minsugut ayuk.

2 KORINTUS 2:3

Ginio nai ra tinulisan ku ramuyun koson raginio, sabap ra marara' aku mongoi ramuyun am pangilukon guang kutu ru ulun ondo' sotopot no mapakaansuk raki'. Sabap ra mangintopot aku toojo ra ondo' kaansukan kuno am kaansukan min niayuk.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

TITUS 1:13

Motopot tupo kaintutunan nali. Ginio sabap ra sawayo' noyo toojo ilo, maa' raginio pangintapatan nilai ti kalo makalayau.