2 KORINTUS 12:10 - Tanou Moonsoi Timugon

¹⁰ Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

2 KORINTUS 12:10 ပူးပေါင်းရင်းမြစ်များ

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

JUANIS 15:21

Kaa' ngaangai' no baalon nilo ramuyun sabap ra akau maamaya' Kuno, am sabap ra kalo nakaulig ilo Riso ondo' nanusub Raki' i.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

ROMA 5:3

Mulu' poyo itakau maansukan amon ru makakapaganan, sabap ra mapandayan noyo kapaganan no magibit ritakau mokoorot,

1 KORINTUS 4:10

Sabap ri Kristus, akai nasauk koson ayuk ra sasambungon, kaa' akau nasauk ra ulun Kristian ondo' mapintar. Akai malawo, kaa' akau maikang! Akai asabin, kaa' akau urumaton tupo.

2 KORINTUS 1:4

Mangindangan Io ramon ralalom ru ngaangai' kapaganan mai, maa' raginio ralalom ru kaindangan ondo' maapu mai intor ri Aki Kapuuno', akai pana makapangindangan ra ngaangai' ulun ondo' makakapaganan.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

2 KORINTUS 13:4

Kabalu' pana malawo Io paat ra Io sinalip, kaa' raino naayag Io po sabap ra kuasa' ri Aki Kapuuno'. Ralalom pasimpungan mai Riso pana makaliman akai ra malawo, kaa' paat ra akai makauma' ramuyun, akai pana maayag sabap ra kuasa' ri Aki Kapuuno', mogondo' ri Kristus.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:4

Kaa' ralalom ru ngaangai' baalon mai, mampakito akai ra ulipon akai ri Aki Kapuuno', ra ati kulaan mongorot ra nansalinut kapaganan ra guang mataan:

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

PILIPI 1:29

Sabap ra akau inanian ra kaluagan manguma' ra kaimbalaan sabap ri Kristus am sala' ka mangintopot ayuk Riso.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.

2 TIMOTIUS 3:11

Okou nakakito noyo ra ati kulaan ru kaimbalaan am kapaganan kuli. Nakaintutun kou no ra ngaangai' atan ondo' nasauk giu' ra Antiokia, giu' ra Ikonium, giu' ra Listra am ngaangai' ru kaimbalaan kuli. Kaa' binayag aku ru Tuhan intor ra ngaangai' raginio.

JAKUBUS 1:2

Pabukat kau ngai'. Paat ra akau makatuum ra nansalinut pangkinaman, karaa' min gitio koson ra rondo' kaantakan,

PINAINTALANG 2:3

Kataan guang mino ra akau imboloon sabap ra Aku am kalo lumugut kau.