2 KORINTUS 11:7 - Tanou Moonsoi Timugon

⁷ Paat ra aku nampabala' ra Tanou Moonsoi ramuyun kalo nakibalos aku ra atan-atan. Ginio binaal kuno ra guang minggana' koson mangurumat ramuyun. Nakasala aku kia? Kalo!

2 KORINTUS 11:7 ပူးပေါင်းရင်းမြစ်များ

RINALATAN 20:33

Kalo poyo igondo' aku pakitaak ra ruit kapoam bayang ru sasangulun.

RINALATAN 20:34

Akau galama' nakapandai noyo ra akanon kutu am niayuk akanon ru rangan-rangan ondo' minaya' raki' ra pangkiralanan ti, intor ra kandoi kuno galama'.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

1 KORINTUS 9:12

Amon ru ulun ra bokon no makakuasa' lumansan ramuyun, mulu' poyo akai ka ilo. Kaa' kalo poyo igondo' ku pasalulaa' kuasa' raginio. Mulu' poyo bonsoi no ru aku ayuk galama' maguyum ra kaukapan ru akanon ka mampajajou ra pampatanawan ra Tanou Moonsoi ri Jisus Kristus.

1 KORINTUS 9:6

Kapoam akai ruo ri Barnabas ayuk kia musiti' maguyum ra kaukapan ru akanon mai galama'?

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 10:16

Bagu makapapasaboi akai niayuk ra Tanou Moonsoi no ra pagun ra bokon poyo, maa' raginio kalo lumimbau akai ra atan ondo' kinandoi noyo ra pangandayan ru ulun bokon.

2 KORINTUS 12:13

Ati kia malimanan min ra kalo lioon kau intor ra pasimpungan ulun Kristian ra bokon no? Ginio kia ra kalo igondo' pantipagon aku ramuyun pakitaak ra ruit? Makimaap aku sabap ra sala kuno ramuyun no!

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

2 TISALONIKA 3:8

Kalo noyo nakipakan akai ra osoi ayuk pana. Kaa' sotopot no orou-rondom minirot akai toojo nangandoi, koson kalo nantipagon akai ra sangulun kon pana intor ramuyun.