2 KORINTUS 11:4 - Tanou Moonsoi Timugon

⁴ Nailian takamin ra maluoi kau manguma' ra osoi ayuk matong mampabala' ra i Jisus, kaa' kalo mogondo' ra atan ondo' pinatanou maili. Mangapu kau niayuk ra ambiluo am tanou moonsoi ra bokon ondo' sala' ka toojo Ambiluo ri Aki Kapuuno' am Tanou Moonsoi ondo' inapu min noyo intor ramon.

2 KORINTUS 11:4 ပူးပေါင်းရင်းမြစ်များ

MARKUS 7:9

Indagu poyo i Jisus, “Mapandai kau mampaalig ra pangilaan ri Aki Kapuuno' ra kaulayan min galama'.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

1 KORINTUS 3:11

Sabap ri Aki Kapuuno' galama' nangatang ri Jisus Kristus ti rorondo' ayuk puun ru panambalayan no.

2 KORINTUS 11:1

Malansan aku ra pokoorot kau raki' kabalu' pana raino ilain ayuk ra sasambungon aku koborok. Maaru' moorot min.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

GALATIA 3:2

Rondo' ayuk raguon kuno ramuyun. Kinami' aku balai' ati koson akau nangapu ra Ambiluo ri Aki Kapuuno'? Sabap ra akau giminagaya' ra Ukum ri Musa kia, kapoam sabap ra nangkirongog am nangintopot ra Tanou Moonsoi i?

1 TIMOTIUS 1:3

Masaga' aku ra sumoroi kou ayuk giu' ra Ipisus koson ra naminsanan kuno rirun noyo paat ra aku minongoi ra Makidonia. Sabap ra giu' ra Ipisus mokoondo' kukula' ngaulun mangila' ondo' kalo motopot, am musiti' palanggain mu gitio risilo.

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.