2 KORINTUS 11:31 - Tanou Moonsoi Timugon

³¹ I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

2 KORINTUS 11:31 ပူးပေါင်းရင်းမြစ်များ

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

MAZMUR 41:13

Mangindangan Kou raki' sabap ra banis ru guang kuno; magibit Kou raki' matong ra saang Muno ra sabuoi-buoi no.

JUANIS 10:30

Aku am i Ama' no rondo' ayuk.”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

ROMA 1:25

Pangilaan motopot intor ri Aki Kapuuno' aligin nilo boo ra abau. Maansayan ilo sumamba am mongompor ra atan ondo' sinauk ri Aki Kapuuno' ka i Aki Kapuuno' galama', ondo' sotopot no omporon ra sabuoi-buoi no! Amin.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 15:6

Maa' ra akau rondo' guang no, mokopongompor kano ri Aki Kapuuno', Ama' ru Tuhan takau i Jisus Kristus.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

2 KORINTUS 1:3

Koompor noyo i Aki Kapuuno', Ama' ru Tuhan takau i Jisus Kristus; ioginio i Ama' ondo' makaasi' kaga' am puun ru ngaangai' kaindanganan ru guang.

2 KORINTUS 11:11

Kua indagu aku koson raginio? Sabap ra aku kalo motogom ramuyun? Sala'. Nakapandai i Aki Kapuuno' ra motogom aku ramuyun.

GALATIA 1:20

Atan ondo' tinulisan ku ragitio motopot. I Aki Kapuuno' nakapandai ra kalo magabau aku.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

IPISUS 3:14

Ginio ra aku migulatur, koson makiasi' ri Ama'.

KOLOSI 1:3

Masalok akai maringkuanang ri Aki Kapuuno', Ama' ru Tuhan takau i Jisus Kristus, ralalom moonong pakiasian mai ramuyun.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 TIMOTIUS 1:11

ioginio ondo' gumagaya' Tanou Moonsoi intor ri Aki Kapuuno' ondo' matulai am omporon. Tanou ragitio noyo ondo' patanawin raki'.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.