2 KORINTUS 11:29 - Tanou Moonsoi Timugon

²⁹ Amon ru sasangulun no malawo, aku pana makaliman ra kalawaan no. Amon ru sasangulun no makatula, aku pana mangiluk toojo guang.

2 KORINTUS 11:29 ပူးပေါင်းရင်းမြစ်များ

MATIUS 11:6

Pakaansuk no ulun ondo' mangintopot ra Aku no kon ri Juanis.”

JUANIS 2:17

Kakara' boo ru maamaya' Nano ondo' tinulisan ra Kitab: “Aki Kapuuno', togom Kutu ra Baloi Mutu mangkinibit ra patayan Kutu.”

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

ROMA 15:1

Itakau ondo' maikang pangintopot, pirot takano pangindangan risilo ondo' malawo pangintapatan, am pai' takau pangkara' ra kaatangan galama' ayuk.

1 KORINTUS 11:22

Kua guat? Kolondo' kia pagakanan am paginuman ra baloi min galama'? Kua pai' min urumato' ra pasimpungan ulun Kristian, am kua pampakauyu' poyo ra ulun musikin? Atan kia paraguon ku ramuyun? Omporon takamin kia? Kalo! Topot-topot kalo mokopongompor aku ramuyun.

1 KORINTUS 12:26

Amon ru rondo' tayar maimbolo', ngaangai' tayar ra bokon pana makaaya' kaimbolo'. Amon ru rondo' tayar omporon, ngaangai' tayar ra bokon no pana makaaya' pakaansuk.

1 KORINTUS 15:36

Sasambungon kau toojo! Paat ra akau mantanom ra rorondo' unor, kalo tumuu' sampug no amon ru kalo mapasa' galing kulapa' ru unor no.

1 KORINTUS 8:13

Ginio poyo, amon ru akanon koson raginio mangkinibit ra pabukat Kristian kuno makatula, kalo boo mangakan aku ra kual, maa' raginio kalo boo makinibitan ku ilo ti makatula.

1 KORINTUS 8:9

Kaa' ilalai'! Pai' polosoo' kaluagan mino mambaal ra atan-atan mangkinibit ra ulun malawo pangintapatan mambaal poyo ra tula.

1 KORINTUS 9:22

Am poyo ra aku sumimpung ra ulun ondo' malawo pangintapatan, paliso kuno koson ra ulun ondo' malawo pangintapatan, maa' raginio makapangkimait aku risilo mangintopot ri Kristus. Iou, makimogondo' aku noyo ra nansalinut paliso ru ulun, maa' raginio, amon ru maalap, makapangkimait aku ra kukula' ngaulun risilo mangintopot ri Kristus.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

GALATIA 2:14

Kaa' paat ra aku nakakito ra kalo minaya' ilo toojo ra katapatan ru Tanou Moonsoi no, indagu aku ri Pitrus ra saang ru ngaangai' ulun ra giu' no, “Okou ti sangulun ru Jaudi, kaa' kaayagan muno koson ra ulun sala' ka Jaudi. Amon koson poyo raginio, ati kulaan okou mampajajal ra ulun sala' ka Jaudi sumugut ra kaulayan ru ulun ru Jaudi?”

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.