2 KORINTUS 11:27 - Tanou Moonsoi Timugon

²⁷ Mirot aku mangandoi suku' matipatoi; malukou aku am magail kalo maukop akanon kapoam inumon; magail aku ayuk maitilan, masimuan am poyo kolondo' ralinan kapoam ayanan.

2 KORINTUS 11:27 ပူးပေါင်းရင်းမြစ်များ

JIRIMIA 38:9

“Raja' kuno, binaal ru pagawai-pagawai no kalo motopot. Pinasubol nilo i Jirimia ra ralalom ru tulubong am maaru' matoi io maitilan ra giu' no sabap ra nakai' noyo akanon ra bandar ti.”

MATIUS 17:21

Kaa' riwato koson ragitio maalap ayuk ra anjau amon ru makiasi' am mampali kau.]”

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

1 KORINTUS 7:5

Pai' pagimpong ra rondo' am bokon, ondo' ak am ra kukula' buoi ayuk, amon ru mangiou karuruo, maa' raginio makapakiasi' kau toojo. Kaa' kopongo raginio, karuruo no musiti' marampit saguli'. Maa' raginio kalo makinibitan kau ru Tingganai ru riwato no sabap ra kalo moorot min kasagaan ru guang mino.

2 KORINTUS 11:23

Konilo ra ulipon ilo ri Kristus, kaa' mulu' poyo aku ka ilo, kabalu' pana mantuyang lair iningon ragu kutu. Aku ondo' mapirot toojo mangandoi ka ilo ngaangai'. Magail aku ayuk pasubolon ra pangaputan. Magail aku niayuk loposon. Magail aku ayuk makauma' ra baal makapatoi.

2 KORINTUS 6:5

lalambaan akai, aputon akai, uupin akai, pongondoyon akai boo ra maagat, maitilan am malukou akai.

PILIPI 4:12

Nakaili' aku no ra ati kulaan kaayagan ra nakayaan kapoam maulian. Am nakapandai aku niayuk ra ati kulaan maubas ra kabalu' pana mansalinut ondo' masauk raki', iou pana paat ra naasug kapoam naitilan, ra aku langkaya' kapoam musikin.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

2 TISALONIKA 3:8

Kalo noyo nakipakan akai ra osoi ayuk pana. Kaa' sotopot no orou-rondom minirot akai toojo nangandoi, koson kalo nantipagon akai ra sangulun kon pana intor ramuyun.

IBRANI 11:37

Mokoondo' poyo pinatoi bobolo' ra batu am niayuk piniruo garagajio' kapoam tinobok saboi minatoi. Am poyo mokoondo' jajawot ayuk ra kolondo' intok randanan nilai; kungkung ru domba kapoam kambing ayuk bayang nilai sabap ra musikin ilo toojo. Nansalinut kapaganan am imbolo' ondo' natuum nilo.