2 KORINTUS 11:26 - Tanou Moonsoi Timugon

²⁶ Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.

2 KORINTUS 11:26 ပူးပေါင်းရင်းမြစ်များ

RINALATAN 14:5

Ginio ra pupus ti ulun ru Jaudi am tingganai nilai nababaya' ra ulun sala' ka Jaudi pana naguguum mangimbolo' ruo ngaulun rasul no ra bobolon ilo ra batu.

RINALATAN 25:3

ra i Paulus ibiton ra Jirusalim sabap ra mokoondo' noyo naguguuman nilai koson mamatoi ri Paulus ralalom pangkiralanan.

RINALATAN 20:19

Mabaya' ra guang minggana' am masuang lomou, nangandoi aku koson ra ulipon ru Tuhan. Kabalu' pana naimbolo' aku ra kalaatan ondo' binaal ru ulun ru Jaudi raki'.

RINALATAN 17:5

Kaa' maruol guang ru ulun-ulun ru Jaudi. Ginio ra panusub ilo kukula' ngaulun malaat ongoi ra ralan koson mampakasalula' ra pagagabuan giu' ra bandar i. Subolo' nilo boo baloi ri Jason, koson maguyum ri Paulus am i Silas sabap ra masaga' ilo magibit risilo ra saang ru ulun masuang.

RINALATAN 13:50

Kaa' ulun ru Jaudi nanusuk ra tingganai ru bandar raginio am poyo ruandu' kauligan ondo' nangintopot ri Aki Kapuuno' am sala' ka Jaudi. Pinasalula' nilo boo ra rondo' imbolo' ri Paulus am i Barnabas, saboi pinaugar ilo karuo intor ra libung nilai.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

2 KORINTUS 11:32

Paat ra aku soroi ra bandar Damsyik, gabenor ru raja' Aritas nanusub ra saujor-saujor nano magawang ra moonong umpasan ru bandar i koson mamparakop raki'.

1 KORINTUS 15:32

Kolondo' onong aku gumula' ra ulun malaat giti ra bandar Ipisus, amon ru ampos no kaayagan ru tana' ti ayuk. Amon ru ulun minatoi kalo bayagon saguli', moonsoi maya' takau ra abig ragitio; “Ibok! Akan, inum am rumamai takau, sabap ra susuab matoi takano.”

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

RINALATAN 23:10

Gili boo ra pansasangaran i giminaai toojo, saboi tingganai maayo ru saujor no malaa' ra uupin nilo lair i Paulus. Ginio ra susubo' no i Paulus paingkualon intor ra tatanga' ru ulun-ulun no am ibiton ra kim ru saujor.

RINALATAN 19:23

Paat ragili, kumuliangi-angi ulun giu' ra Ipisus sabap ra pangilaan intor ri Jisus ti.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 15:40

Kaa' i Paulus nagibit ri Silas. Minugar ilo malupus pasimpungan ulun Kristian nampataak risilo ri Aki Kapuuno' ondo' magalung toojo risilo.

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 17:13

Mokoondo' ulun ru Jaudi giu' ra Tisalonika nakaining ra i Paulus nampasaboi ra bala' intor ri Aki Kapuuno' giu' ra Biria poyo. Ginio ra ongoi ilo ra Biria am panusuk ilo ra ulun ra giu' i kumuliangi-angi.

RINALATAN 20:3

am minayan io ra giu' no buoi talu ngambulan. Nakatampos io no mongoi ra Siria, kaa' nakaining io ra ulun ru Jaudi naguguum mamatoi riso. Ginio ra namatas io minugar mansail ra Makidonia.

RINALATAN 27:42

Saujor-saujor makaguang mamatoi ra ngaangai' ulun inaput no, sabap ra malaa' ilo ra makapansarui lair ulun-ulun inaput no ra lantur am magiru'.

ROMA 8:35

Mokoondo' kia makapanginga' ri Kristus monogom ritakau? Kapaganan kia? Pagalabaan kia? Kaimbalaan kia? Bitilan kia? Kunsikang kia? Baal makalalaa' kia? Kapoam kapatayan kia? Maaru' kolondo'!

1 KORINTUS 15:30

Am atan pakuan mai magail ayuk makauma' ra kapaganan?