2 KORINTUS 11:25 - Tanou Moonsoi Timugon

²⁵ Intalu aku niayuk linapos ru ulun ru Roma; am igondo' aku bobolo' ra batu. Intalu aku pakaili' ra kapal nakalom, am igondo' aku no nakalabui ra tatanga' ru raat buoi songorou am sorondom.

2 KORINTUS 11:25 ပူးပေါင်းရင်းမြစ်များ

RINALATAN 14:19

Mokoondo' kukula' ngaulun ru Jaudi minatong intor ra Antiokia giu' ra pagun Pisidia am poyo intor ra Ikonium. Ilo ti noyo nanusuk ra ulun masuang saboi minaya' ilo ayuk risilo. Ginio ra bobolo' nilo ra batu i Paulus am ralaato' io ra liwar ru bandar i sabap ra pangkaraan nilo i Paulus ti minatoi noyo.

IBRANI 11:37

Mokoondo' poyo pinatoi bobolo' ra batu am niayuk piniruo garagajio' kapoam tinobok saboi minatoi. Am poyo mokoondo' jajawot ayuk ra kolondo' intok randanan nilai; kungkung ru domba kapoam kambing ayuk bayang nilai sabap ra musikin ilo toojo. Nansalinut kapaganan am imbolo' ondo' natuum nilo.

RINALATAN 16:37

Kaa' indagu boo i Paulus ra tingganai ru pulis i, “Kolondo' pana sala mai, kaa' linapos akai ra saang ru ulun masuang, am pasubolo' akai boo ra pangaputan kabalu' pana akai ti warganegara Roma! Raino paugaron nilo ayuk akai ra kalo mapandayan ru ulun! Sala' ka koson raginio! Ilo galama' musiti' mongoi ra giti pampalabus ramon.”

RINALATAN 16:33

Paat ra rondom i niayuk, inibit ilo ru tingganai i mambagu' ra pilat nilai. Paat ragili niayuk ngaangai' ulun ru baloi i riniu'.

RINALATAN 14:5

Ginio ra pupus ti ulun ru Jaudi am tingganai nilai nababaya' ra ulun sala' ka Jaudi pana naguguum mangimbolo' ruo ngaulun rasul no ra bobolon ilo ra batu.

MATIUS 21:35

Kaa' rokopo' nilo ulipon ru tatangan ra umo i. Sangulun i linamba' nilo, ondo' bokon i pinatoi nilo am bokon binobol nilo ra batu.

RINALATAN 22:24

Ginio ra subol tingganai maayo ru saujor Roma i am nanusub io ra ibiton i Paulus ra kim ru saujor am palapasin io toojo koson mapandayan kua galaki' i Paulus ru ulun ru Jaudi.

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

1 TIMOTIUS 1:19

Guuto' noyo toojo pangintapatan ra motopot no am bayaa' ayuk bolos ru guang muno ondo' mapasau. Mokoondo' kukula' ngaulun kalo nangkirongog ra bolos ru guang nilo, saboi napuso boo pangintapatan nilo.