2 KORINTUS 11:20 - Tanou Moonsoi Timugon

²⁰ Polosoon min ilo mangulipon, mangingkaut, mamparuung, magasab am mampakauyu' ramuyun.

2 KORINTUS 11:20 ပူးပေါင်းရင်းမြစ်များ

JISAYA 50:6

Patungayon ku tumbung kuno ra ulun ondo' mampalamba' raki'; am pingas kuno ra ulun ondo' mamubul ra jangut kuno. Kalo patalikuron ku bulos kuno bulintok ra aku asabin am tiwagin.

SULABOI 3:30

Kabalu' pana linamba' am inasaban, musiti' takau mangapu ra ngaangai' no.

MARKUS 12:40

Mamparuung ilo ra napuor-napuor am manalingaau ra baloi nilono. Koson mangampin boo ra kalaatan ru inggalan malaat nilono, kaawaron nilo makiasi'. Ukum taakin risilo ra maagu no makalalaa'.”

LUKAS 6:29

Amon ru pingas muno ra sapapa' no lapison, palapisi' niayuk sapapa' no. Amon ru gaawon ru ulun bayang muno, pataako' poyo bayang muno ra bokon.

1 KORINTUS 4:11

Saboi raino naitilan am pinaason akai; am lairon ngaangai' konoon maino; inimbolo' akai; kalo mokorondon akai ra rorondo' intok;

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

2 KORINTUS 12:16

Maaru' iowon min noyo ra kalo igondo' pantipagon aku ramuyun. Kaa' mokoondo' mindagu ra aku ti maabau-abau am mapandai toojo mamparuung ramuyun.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

GALATIA 4:25

Ginio boo ri Agar ti noyo nogondo' ra Gunung Sinai giu' ra pagun ru Arab am mogondo' io niayuk ra bandar Jirusalim ra raino ti ondo' ngaangai' mamagun nano nasauk ra ulipon ilo ngai'.

GALATIA 4:3

Koson niayuk ritakau ra galing i, buoi itakau kalo poyo nasukor, inulipon takau ru riwato ondo' nanguasa' ra tana' ti.

GALATIA 4:9

Kaa' raino nakaulig kano ri Aki Kapuuno', kapoam matanda' poyo raguon ra i Aki Kapuuno' nakaulig ramuyun. Kua saguli' kau poyo ra tuhan-tuhan ondo' kalo maikang am niayuk kolondo' onong? Kua guat kasaga' kau makiulipon poyo risilo?

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

GALATIA 5:10

Kaa' lakat aku po mangintopot ra ralalom ru Tuhan kalo boo kumulau guang mino. Osoi ayuk pana ulun ondo' mampajajou ramuyun no, maaru' ukumin io ri Aki Kapuuno'.

GALATIA 6:12

Ulun ondo' lumimbau ra baal ondo' makito ru ulun, ilo ti noyo ondo' mompogogot ramuyun ra sunatin. Mambaal ilo ayuk koson raginio bagu kalo boo maimbolo' ilo sabap ra namatayan ri Kristus ra salip.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!