2 KORINTUS 11:16 - Tanou Moonsoi Timugon

¹⁶ Sagulio' ku poyo: pai' pangkara' ra aku ti sasambungon. Kaa' amon ru ginio poyo pangkaraan min, polosoo' noyo aku ondo' sasambungon ti lumimbau koborok.

2 KORINTUS 11:16 ပူးပေါင်းရင်းမြစ်များ

2 KORINTUS 11:1

Malansan aku ra pokoorot kau raki' kabalu' pana raino ilain ayuk ra sasambungon aku koborok. Maaru' moorot min.

2 KORINTUS 11:19

Maansayan kau ra guang mataan ra ulun sasambungon no, sabap ra akau ti rokoon mapintar toojo.

2 KORINTUS 12:1

Kabalu' pana gitio kolondo' onong, kaa' lumimbau aku niayuk koson masaga' aku mambala' ra papaintalangan am papakitanan ondo' pinakito raki' ru Tuhan.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 12:6

Kaa' amon ru lumimbau aku pana, pai' ru sasambungon aku, sabap ra motopot raguon kutu. Kalo masaga' aku lumimbau sabap ra papakitanan i, kaa' maya' ra atan ayuk ondo' binaal am rinagu kuli.

2 KORINTUS 5:13

Amon akai ti ilain ra mantuyang, ginio boo kinibit mai nambaal ra kasagaan ri Aki Kapuuno'. Am amon ru akai ti ilain ra matanda', ginio pana koson ra kaatangan min niayuk.