2 KORINTUS 11:13 - Tanou Moonsoi Timugon

¹³ Sabap ra ilo ti sala' ka rasul ra motopot. Maabau-abau am sumalu ilo ti ra rasul ri Kristus ondo' motopot.

2 KORINTUS 11:13 ပူးပေါင်းရင်းမြစ်များ

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PILIPI 3:2

Koson ilalain min uku' masangit no, pagilalai' min poyo ulun-ulun ondo' mampakalayau ayuk, ondo' lakat ayuk poyo mampajajou ra ulun sunatin, koson ra tatandu' ilo ti toojo makaulig ri Aki Kapuuno'.

GALATIA 1:7

Sotopot no, kolondo' “tanou moonsoi ra bokon”. Kaa' mokoondo' ulun ondo' mampajajou ramuyun, koson mangkinam pangulau ra Tanou Moonsoi ri Kristus no.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

RINALATAN 20:30

Mokoondo' niayuk kukula' ngaulun intor ramuyun no magabau am mampalayau ra ulun Kristian koson maya' boo risilo.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

KOLOSI 2:4

Ginio nai ra mambala' aku ramuyun: Pai' min polosoo' abau ru ulun mampalayau ramuyun, kabalu' pana kula' gamis iningon ragu nilai no.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

2 KORINTUS 11:15

Ginio nai ra kalo niayuk makaimuag amon ru ulipon-ulipon ru Tingganai ru riwato no sumalu ra ulipon ru katapatan. Pupus no balasin ilo maya' ra ondo' binaal nilai no.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

1 JUANIS 2:18

Pabukat kau ngaangai', pamupusan nasuku' noyo! Pinabala' noyo ramuyun ra pantula' ri Jisus Kristus maaru' matong. Raino masuang noyo pantula' ri Jisus Kristus ondo' makito. Gitio tatandu' ra Orou Pupus maar noyo.

GALATIA 6:12

Ulun ondo' lumimbau ra baal ondo' makito ru ulun, ilo ti noyo ondo' mompogogot ramuyun ra sunatin. Mambaal ilo ayuk koson raginio bagu kalo boo maimbolo' ilo sabap ra namatayan ri Kristus ra salip.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

RINALATAN 15:24

Naala' akai noyo ra mokoondo' kukula' ngaulun intor ramon nantipagon am niayuk nampajajou ramuyun ra nangilaan nilai. Kaa' pai' ru akai nanusub risilo.

GALATIA 4:17

Ulun ra bokon mirot mangkimait ramuyun, kaa' pagibitan nilono kalo moonsoi. Masaga' ilo ayuk mampatuliar ramuyun intor raki', maa' raginio malansan kau ayuk risilo.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

RINALATAN 15:1

Mokoondo' kukula' ngaulun Kristian intor ra Judia minatong ra Antiokia am nangila' ilo ra ulun Kristian ra, “Kalo bayagon kau ri Aki Kapuuno' amon ru kalo sunatin kau maya' ra Ukum ri Musa.”

MATIUS 25:24

Ulipon ondo' inanian ra saribu ruit mas ti boo ratong am indagu ra tuan no, ‘Napandayan ku okou ti mapuka', mangkaang kou ayuk ra ampos ru kandoi ra ulun bokon.

JIRIMIA 23:16

Indagu Tuhan Ondo' Maayo Kaga' Kuasa' ra mamagun ru Jirusalim, “Pai' rongogo' nabi-nabi ondo' magail mangani' ra kalansanan ondo' abau ayuk. Mampasaboi ilo ayuk ra pangkaraan galama' am sala' ka tanou intor Raki'.

JIRIMIA 27:14

Pai' rongogo' nabi ondo' manginggalar rirun kumuku' ra raja' ru Babilonia. Mamparuung ilo rirun.

PILIPI 3:18

Sabap ra koson masalok aku no nakapambala' ramuyun am raino sagulion ku poyo mabaya' ra tangi', ra mokoondo' masuang niayuk ulun mansang ra pangilaan ra i Kristus minatoi ra salip.